ប្រទេសកូរ៉េខាងត្បូង និងសហរដ្ឋអាមេរិកនឹងធ្វើការបន្តសមយុទ្ធទ្វេរភាគី របស់ខ្លួន នៅថ្ងៃទី ១ មេសាខាងមុខនេះ នេះបើយោងតាមរយៈឯកសារដែល ផ្នែកកិច្ចការយោធាអាមេរិកបង្ហាញ។

នៅក្នុងឯកសារដដែលបានបញ្ជាក់ថាសមយុទ្ធដែលនឹងត្រូវរៀបចំឡើងនៅក្នុងថ្ងៃទី ១ មេសាខាងមុខគឺមានការចុះកិច្ចព្រមព្រៀងគ្នារវាងលោកមេបញ្ជាការ សហរដ្ឋអាមេរិក James Mattis និងរដ្ឋមន្រ្តីការពារជាតិកូរ៉េខាងត្បូង Song Young-moo ដែលសមយុទ្ធមួយនេះនឹងជួយពង្រឹងវិស័យយោធានៃប្រទេសទាំង ២ ផងដែរ។

យ៉ាងណាមិញតាមរយៈអ្នកជំនាញបានបង្ហាញទស្សនៈថា សមយុទ្ធដែល សហរដ្ឋអាមេរិកគ្រោងនឹងរៀបចំឡើងវាអាចនឹងក្លាយទៅជារនាំងសម្រាប់ការចចារសន្តភាពនៅក្នុងឧបទ្វីបកូរ៉េ ស្របពេលដែលភាគីកូរ៉េខាងជើងហាក់បន្ទន់ ឥរិយាបថស្វែងរកការចរចារ និងបោះបង់ចោលកម្មវិធីនុយក្លេអ៊ែររបស់ខ្លួន។

គួរបញ្ជាក់ថាជារៀងរាល់ឆ្នាំគឺសម្ព័ន្ធមិត្តកូរ៉េខាងត្បូងតែងតែរៀបចំសមយុទ្ធជាមួយគ្នានៅក្នុងឧបទ្វីបកូរ៉េ ដែលសកម្មភាពទាំងអស់នេះត្រូវបានគេចាត់ទុកថា ជាការបង្កើនកម្តៅនៅក្នុងឧបទ្វីបកូរ៉េ ខណៈដែលកន្លងមកប្រទេសកូរ៉េខាងជើង បានឆ្លើយតបដោយការសាកល្បងមីស៊ីលនុយក្លេអ៊ែររបស់ខ្លួនផងដែរ៕

ប្រភព៖ Sputnik