ឧត្តមសេនីយ៍ឯក ឌី វិជ្ជា៖ ភ្នាក់ងារសន្តិសុខឯកជន បានចូលរួមចំណែកយ៉ាងសកម្មក្នុងការថែរក្សាសន្តិសុខ សណ្តាប់ធ្នាប់សង្គម

518 Views
March 22, 2018

(ភ្នំពេញ)៖ លោកឧត្តមសេនីយ៍ឯក ឌី វិជ្ជា អគ្គស្នងការរងនគរបាលជាតិ និងជាប្រធាននាយកដ្ឋាកណ្ដាលសន្ដិសុខ បានអះអាងថា ភ្នាក់ងារសន្តិសុខឯកជន បានចូលរួមចំណែកយ៉ាងសកម្ម ក្នុងការថែរក្សាសន្តិសុខ សណ្តាប់ធ្នាប់សង្គមហើយមិនតែប៉ុណ្ណោះពួកគេ មានតួនាទីជាកម្លាំងជំនួយ ដ៏សំខាន់ដល់អាជ្ញាធរមានសមត្ថកិច្ចផងដែរ ខណៈកងកម្លាំងសមត្ថកិច្ចមិនបានដាក់គ្រប់ទីកន្លែងនោះ។

 

 

 

 

ការលើកឡើងរបស់ឧត្តមសេនីយ៍រូបនេះ គឺបានធ្វើឡើងនៅក្នុងកម្មវិធី បិទវគ្គបណ្តុះបណ្តាលបំប៉នជំនាញភ្នាក់ងារសន្តិសុខឯកជន លើកទី២ នៅថ្ងៃទី២១ ខែមីនា ឆ្នាំ២០១៨នេះ ដែលមានការចូលរួមពី តំណាងក្រុមហ៊ុនសន្តិសុខឯក ជិត២០០នាក់។

 

 

 

 

លោកឧត្តមសេនីយ៍ឯក ឌី វិជ្ជា បានថ្លែងថា «ក្រុមហ៊ុនសន្តិសុខទាំងអស់ ត្រូវតែជ្រាប់គ្រប់គ្នាថា សន្តិសុខឯកជនពុំមែនមានតួរនាទីត្រឹមតែជាអ្នកការពារទ្រព្យសម្បត្តិឯកជន ឬក៏សហគ្រាសគ្រឹះស្ថានឯកជនប៉ុណ្ណោះទេ តែក៏មានកាតព្វកិច្ចចូលរួមការពារសាធារណៈសន្តិសុខ សង្គម និងអាយុជីវិតរបស់ប្រជាពលរដ្ឋផងដែរ ជាពិសេសមានតួនាទីជាកម្លាំងជំនួយដ៏សំខាន់ដល់អាជ្ញាធរមានសមត្ថកិច្ច»។

 

 

 

 

លោកឧត្តមសេនីយ៍ បានបន្តទៀតថា ប្រទេសកម្ពុជាមានការអភិវឌ្ឍន៍លើគ្រប់វិស័យក្រោមការដឹកនាំរបស់ សម្ដេចតេជោ ហ៊ុន សែន ធ្វើឲ្យប្រទេសជាតិយើងទទួលបានសុខសន្តិភាពស្ថេរភាពសង្គម។ ហេតុនេះបានធ្វើឲ្យទាក់ទាញអ្នកវិនិយោគជាច្រើន មកបណ្តាក់ទន់ស្ទើរគ្រប់វិស័យ ក្នុងនោះវិស័យសន្តិសុខឯកជន គឺជាវិស័យដ៏សំខាន់មួយដែលត្រូវចូលរួមចំណែកយ៉ាងសកម្មក្នុងការថែរក្សាសន្តិសុខ សណ្តាប់ធ្នាប់ ទ្រព្យសម្បត្តិ សុវត្ថិភាព អាយុជីវិត ជូនប្រជាពលរដ្ឋអ្នកវិនិយោគ ភ្ញៀវទេសចរជាតិ អន្តរជាតិផង។

 

 

 

 

ហេតុដូច្នេះហើយទើបរាជរដ្ឋាភិបាលជាពិសេសក្រសួងមហាផ្ទៃ តែងតែយកចិត្តទុកដាក់ជំរុញ និងលើកទឹកចិត្តដល់វិស័យសន្តិសុខឯកជន នៅក្នុងប្រទេសកម្ពុជាឲ្យទទួលបានទំនុកចិត្តក្នុងការប្រកបអាជីវកម្មរបស់ខ្លួន ដោយសុខស្ថេរភាព និងនិត្យានុកូលភាព។ ជាក់ស្តែករាជរដ្ឋាភិបាលកម្ពុជា បានសម្រេចបង្កើតនាយកដ្ឋានគ្រប់គរងសន្តិសុខឯកជនកាលពី ឆ្នាំ២០១៦កន្លងទៅនេះ គឺដើម្បីគ្រប់គ្រង គាំពារសហការ និងផ្តល់និត្យានុកូលភាពដល់ក្រុមហ៊ុនផ្តល់សេវាសន្តិសុខឯកជន និងសហគ្រាសគ្រឹះស្ថាន ដែលប្រើប្រាស់សន្តិសុខឯកជនទូទាំងប្រទេសកម្ពុជា។

 

 

 

 

លោកបានបន្តទៀតថា ស្តែងចេញពីការយកចិត្តទុកដាក់នេះហើយ ទើបធ្វើឲ្យយើងទាំងអ់គ្នាបានជួបជុំគ្នានៅទីនេះ ក្នុងពិធីបើកវគ្គបំប៉នជំនាញភ្នាក់ងារសន្តិសុខឯកជន នាឪកាសនេះ។ ដោយយោងតាមស្មារតីសេចក្តីណែនាំ របស់ក្រសួងមហាផ្ទៃ និងពិនិត្យឃើញថា ភ្នាក់ងារសន្តិសុខឯកជនបានចូលរួមចំណែកយ៉ាងសកម្ម ក្នុងការថែរក្សាសន្តិសុខសណ្តាប់ធ្នាប់ ទ្រព្យសម្បត្តិសុវត្ថិភាព អាយុជីវិត ជូនប្រជាពករដ្ឋ អ្នកវិនិយោគភ្ញៀវទេសចរជាតិ អន្តរជាតិ។

 

 

 

 

បើតាមលោក ឌី វិជ្ជា ការបើកវគ្គបណ្តុះបណ្តាលនេះ គឺមិនមែនមើលងាយសមត្ថភាពដល់បងប្អូនដែលជាសន្តិសុខឯកជននោះទេ គឺធ្វើឡើងដើម្បីបង្កើនសមត្ថភាពដល់ពួកគេ បន្ថែមទៀតទាំងជំនាញការពារ និងគ្រប់គ្រងស្ថានភាពផ្សេងដែលកើតឡើងដោយយកថាហេតុណាមួយ៕

 

 

 

 

 

 

 

 

 

 

 

 

ប្រភព៖ http://www.freshnewsasia.com/index.php/en/localnews/81898-2018-03-22-01-01-35.html

 

Facebook Comment

Related Articles