ក្រសួងការពារជាតិថាមានការបំផ្លោងគ្រាប់ចូលស្នាក់ការកងកម្លាំងកម្ពុជានៅម៉ាលី

518 Views
March 24, 2018

 

មន្ត្រីជាន់ខ្ពស់ក្រសួងការពារជាតិ បានប្រកាសថា  កាលពីម្សិលមិញនេះ មានករណីបំផ្លោងគ្រាប់ចូលស្នាក់ការកងកម្លាំងរក្សាសន្តិភាពរបស់កម្ពុជា ២ខ្នង ចំនួន ៣ គ្រាប់ ស្ថិតនៅតំបន់ Kidal ប្រទេសម៉ាលី បណ្តាលឲ្យមានការខូចខាតទ្រព្យសម្បត្តិមួយចំនួន។

 

 

 

 

បើតាមលោក ឈុំ សុជាតិអ្នកនាំពាក្យក្រសួងការពារជាតិលើកឡើងលើហ្វេសប៊ុករបស់លោកថា ព្រឹត្តិការណ៍នេះ បានកើតឡើងវេលាម៉ោង៦:៥៥នាទីព្រឹក ម៉ោងនៅម៉ាលីដែលត្រូវនឹងម៉ោង១:៥៥នាទីរសៀលម៉ោងនៅកម្ពុជា ហើយក្នុងហេតុការណ៍នេះ លោកថា មិនបង្កឲ្យកងកម្លាំងវិស្វកម្មព្រលានយន្តហោះលេខ១៨៩ របស់កម្ពុជាដែលបំពេញការងារនៅតំបន់នេះ រងរបួសនោះទេ។

បើតាម លោក  ឈុំ សុជាតិ ឲ្យដឹងទៀតថា រហូតដល់ពេលនេះ កម្លាំងកំពុងស្រាវជ្រាវកំណត់រកអត្តសញ្ញាណនៃការវាយប្រហារនោះ។

 

 

ប្រភព៖ http://vodhotnews.com/23/03/2018/defense-ministry-officials-say-there-are-cases-of-shelling/

 

Facebook Comment

Related Articles