លោក សុខ ទូច អះ​អាង​ថា កម្ពុជាលែងមានការ​កាប់ព្រៃឈើទៀតហើយ

463 Views
March 27, 2018

ប្រធានរាជបណ្ឌិត្យសភាកម្ពុជា លោក សុខ ទូច ​បាន​ថ្លែងថា ប្រទេសកម្ពុជា​មិនមែនជាប្រទេសដែលបំផ្លាញបរិស្ថានទេ គឺមានតែបរិស្ថានល្អ និងឧស្សាហកម្មគ្មានផ្សែង ដោយថា ចាប់ពីពេលនេះ លែងមាន​ការកាប់បំផ្លាញព្រៃឈើទៀតហើយ។

លោក សុខ ទូច បានថ្លែងបែបនេះនៅក្នុងពិធីបិទ​បញ្ជប់​នៃ​ទិវាចម្លាក់ឈើអន្ដរជាតិឆ្នាំ២០១៨ ដែលត្រូវ​បាន​រៀបចំ​ធ្វើឡើងនៅខេត្ដសៀមរាប កាលពីល្ងាចម្សិលមិញ។

លោក សុខ ទូច មានប្រសាសន៍ថា លោកនាយករដ្ឋមន្ដ្រី ហ៊ុន សែន បានផ្ដល់ដីដល់រាជបណ្ឌិត្យសភាកម្ពុជាចំនួន ១ លាន ១ពាន់ហិកតា ដោយលោកថា សម្រាប់ដាំឈើជាងមួយលានដើម​ក្នុងរយៈពេល ៥ឆ្នាំ។

 

 

លោក សុខ ទូច ប្រធានរាជបណ្ឌិតសភាកម្ពុជា

 

 

លោកបានបន្ដថា លោកគ្រោងដាំដើមឈើជាងមួយសែនដើមនៅខែឧសភាឆ្នាំ២០១៨នេះ ដែលក្នុងនោះមាន ១សែនដើមបានមកពីក្រុមចម្លាក់ឈើអន្ដរជាតិ លើផ្ទៃដី៥០ហិកតានៅខេត្ដព្រះវិហារ។

លោកបានបន្ដថា ប្រទេសកម្ពុជាមិនមែនជាប្រទេសបំផ្លាញបរិស្ថាននោះទេ គឺប្រទេសនេះមានដើមឈើ និងបរិស្ថានល្អៗ ដោយលោកថា ចាប់ពេលនេះ ប្រទេសកម្ពុជាលែងមានពាក្យថាកាប់ឈើទៀតហើយ។

ប៉ុន្ដែ លោកបានជម្រុញឲ្យ​មានការដាំកូនឈើទុកឲ្យ​យុវជនជំនាន់ក្រោយថែរក្សាផងដែរ។

កាលពីដើមខែមីនាកន្លងមកនេះ  លោក​នាយករដ្ឋមន្ដ្រី ហ៊ុន សែន បានមានប្រសាសន៍ថា ព្រៃឈើដែលរងការហិនហោច គឺដោយសារបក្សប្រឆំាង ដោយថា មិនមែនដោយសារតែលោកដឹកនាំប្រទេសនោះទេ៕

 

 

ប្រភព៖ http://vodhotnews.com/26/03/2018/d-sok-tuch-cambodia-no-cut-tree-wood/

 

Facebook Comment

Related Articles