ក្រុមបច្ចេកវិទ្យាប្រទេសចិនយល់ព្រមចុះកិច្ចព្រមព្រៀងលក់មីស៊ីលឆ្លងទ្វីបរបស់ខ្លួនទៅកាន់ប្រទេសប៉ាគីស្ថានជាផ្នែកមួយបង្កើនសមត្ថភាពវិស័យយោធាប្រទេសនេះ ស្របពេលដែលប្រទេសក្បែរខាងឥណ្ឌាទើបតែទទួលជោគជ័យក្នុងការ សាកល្បងមីស៊ីលកាលពីសប្តាហ៍មុន។

តាមរយៈសាព័ត៌មាន South China Morning Post បានឲ្យដឹងថា មីស៊ីលឆ្លងទ្វីប ដែលកងកម្លាំងយោធាចិននឹងលក់ឲ្យប្រទេសប៉ាគីស្ថានគឺមានប្រភេទ DF-41 ដែលមានបំពាក់កាមេរ៉ា និងអាចកំណត់វាយប្រហារសត្រូវបានច្រើនទីតាំង ក្នុងពេលតែមួយ។

ទោះបីជាយ៉ាងណាក៏ដោយព័ត៌មាននៃការបញ្ចូនមីស៊ីលទាំងនេះទៅកាន់ប្រទេស ប៉ាគីស្ថានគឺនៅមិនទាន់បង្ហាញច្បាស់លាស់នៅឡើយទេ ស្របពេលដែលដំណឹងនៃ កិច្ចព្រមព្រៀងទិញលក់រវាងប្រទេសទាំងពីរទើបតែបង្ហាញជាផ្លូវការណ៍កាលពីសប្តាហ៍មុន។

បញ្ជាក់ថាក្រុមអ្នកជំនាញជាច្រើនបានលើកឡើងដូចគ្នា ថាវាអាចជាការបង្ក ជាកម្តៅរវាងសត្រូវយូរលង់របស់ប្រទេសប៉ាគីស្ថានគឺឥណ្ឌា ស្របពេលប្រទេសទាំង ២ គឺបានប្រឈមមុខដាក់គ្នាអស់រាប់ទសវត្សមកហើយលើបញ្ហាតំបន់ Kashmir៕

ប្រភព៖ Sputnik

https://sputniknews.com/military/201803261062925055-Beijing-sold-islamabad-missile-tech/