លោកពេជ្រ ស្រស់ដែលជាប្រធានគណបក្សយុវជនកម្ពុជាបានលូកមាត់ បង្ហាញ មតិរបស់ខ្លួនចូលទៅ ក្នុងជម្លោះរវាងតារាបណ្តាញសង្គមដ៏ល្បី២ រូប គឺ កញ្ញា ធី សុវណ្ណថា និងលោក វិល្លាម។

នៅក្នុងបណ្តាញសង្គម ហ្វ៊េស ប៊ុក ផ្ទាល់ខ្លួនលោកពេជ្រស្រស់សរសេរថា៖ “នៅក្មេងៗចឹងមិនគួរប្រកួតគ្នាលើវោហាខុសបែបបទនោះទេ គួរយកសមត្ថភាព
ពិតប្រាកដមកប្រកួតគ្នាល្អជាជាង។ក្មេងទាំងពីរនាក់នេះ ម្នាក់អួតពីអំណាច ម្នាក់ទៀតអួតពីភាពជាអ្នកមានទ្រព្យនិងឆន្ទៈស្នេហាជាតិមានតែឯង។ យុវជនពិតប្រាកដ គឺយកស្នាដៃពិតប្រាកដរបស់ខ្លួនមក ប្រកួតគ្នា មិនគួរយកអំ
នួតមកប្រកួតគ្នានោះឡើយ។ ពេជ្រ ស្រស់ ០២/ ០៤/២០១៨” ។

បញ្ជាក់ថាជម្លោះរហូតឈានទៅដល់ការដាក់ពាក្យប្តឹងគ្នាទៅវិញទៅមករវាងលោក វិល្លាម និង កញ្ញា ធី សុវណ្ណថា គឺបានកើតឡើងកាលពីពេលថ្មីៗនេះ។ ស្របគ្នានេះដែរកាលពីពេលថ្មីៗនេះតុលាការបានកោះហៅ កញ្ញា ធី សុវណ្ណថា ចូលខ្លួនទៅតុលាការតាមបណ្តឹងរបស់លោក វិល្លាមពីបទបរិហារកេរ្តិ៍ ហើយរហូត មកទល់នឹងពេលនេះគឺជម្លោះរវាងអ្នកទាំង ២ នៅមិនទាន់ដោះស្រាយ នៅឡើយទេក្រៅពីការឌឺដងដាក់គ្នាទៅវិញទៅមក៕

ប្រភព៖ ហ្វេស ប៊ុក ពេជ្រ ស្រស់