ចិននិងវៀតណាមបញ្ជាក់ជំហរដោះស្រាយជម្លោះសមុទ្រខាងត្បូង

494 Views
April 3, 2018

 

ភាគីចិននិងវៀតណាមបានបញ្ជាក់ជំហរចរចាដោយសន្តិវិធីដើម្បីដោះស្រាយជម្លោះដែលកំពុងកើតមាននៅក្នុងសមុទ្រចិនខាងត្បូង ហើយឆ្ពោះទៅរកការពង្រឹងការទំនាក់ទំនងនិងការធ្វើពាណិជ្ជកម្ម។

ក្រោយជំនួបជាមួយរដ្ឋមន្ត្រីការបរទេសវៀតណាម​លោក ផាម បិញមិញ (Pham Pinh Minh) និងរដ្ឋមន្ត្រីការបរទេសចិនលោក​ វ៉ាង យី (Wang Yi) ពួកគេថ្លែងសាររួមគ្នា​ថា ភាគីទាំងពីរព្រមព្រៀងគ្នាយកបញ្ហាជម្លោះដែនសមុទ្រមកជជែកគ្នាដើម្បីស្វែងរកដំណោះស្រាយ។​

 

 

 

 

ទាំងភាគីចិន​និងវៀតណាមថ្លែងថា ពួកគេកំពុងធ្វើការងាររួមគ្នាដោះស្រាយបញ្ហាទាំងនេះ ដើម្បីបញ្ចប់ភាពតានតឹងប្រទេសទាំងពីរ។​

ចិនអះអាងថា ផ្ទៃទឹកនិងកោះ៩០ភាគរយ ជាកម្មសិទ្ធិរបស់ខ្លួន​ នៅលើទីតាំងដែលសំបូរទៅដោយធនធានធម្មជាតិទាំងនោះ ចិនកំពុងតែកសាងមូលដ្ឋានទ័ពនាំឲ្យមានប្រតិកម្មបន្តបន្ទាប់ពីប្រទេសមានផលប្រយោជន៍ពាក់ព័ន្ធ។​

ប្រទេសប្រុយណេ ម៉ាឡេស៊ី ហ្វីលីពីន តៃវ៉ាន់ និងវៀតណាម ​ក៏បានអះអាងថា ពួកគេមានផលប្រយោជន៍នៅទីនោះដែរ ក្នុងនោះវៀតណាមជាចេញមុខខ្លាំងជាងគេក្នុងការធ្វើសកម្មភាពប្រឆាំងជាមួយប្រទេសចិន។

 

 

ប្រភព៖ http://vodhotnews.com/03/04/2018/china-and-vietnam-talking/

 

Facebook Comment

Related Articles