រដ្ឋាភិបាលចិនបានកើតក្តីមួរម៉ៅ និងបកស្រាយថាវាគឺជាព័ត៌មានមិនពិត បន្ទាប់ពីរបាយការណ៍របស់ប្រទេសអូស្រ្តាលីបានចោទប្រកាន់ថាចិនបាន សាងសង់មូលដ្ឋានយោធានៅក្នុងតំបន់សមុទ្រអូសេអានី ពោលគឺនៅលើប្រទេស ដែនកោះដ៏តូចដែលមានឈ្មោះថា Vanuatu។

នៅក្នុងរបាយការណ៏ដែលប្រទេសអូស្រ្តាលីចោទប្រកាន់ទៅលើប្រទេសចិនគឺបានបញ្ជាក់ថា កងកម្លាំងរបស់ប្រទេសចិនគឺបានទៅជួបពិភាក្សាជាមួយនឹងមេដឹកនាំ នៃដែនកោះ Vanuatu ស្តីពីការសាងសង់មូលដ្ឋាននៅក្នុងយោធាក្នុងតំបន់នោះ។

ក៏ប៉ុន្តែភ្លាមៗនោះ រដ្ឋមន្រ្តីការបរទេសប្រចាំដែនកោះ Vanuatu បានចេញសេចក្តី ថ្លែងការណ៍បញ្ជាក់ថា ដែនកោះរបស់ខ្លួនគឺមិនមានប្រទេសណាមួយជាសម្ព័ន្ធ មិត្តឡើយ ហើយក្នុងនោះតំបន់នេះក៏មិនត្រូវការយោធាដូចគ្នាដែរ។

ស្របគ្នានេះដែរអ្នកនាំពាក្យក្រសួងការពារជាតិចិនបានប្រតិកម្មខ្លាំងៗចំពោះព័ត៌មានទាំងអស់នេះ ហើយប្រទេសចិនចាត់ទុកដំណឹងនេះជាការមួលបង្កាច់ខ្លួន ទាំងស្រុង៕