អតីតសមាជិកសមាជិកសភា រដ្ឋ Florida និយាយថា Donald Trump ធ្វើរឿង ខុសច្បាប់ក្នុងការវាយប្រហារប្រទេសស៊ីរី

684 Views
April 18, 2018

បន្ទាប់ពីមានការប្រកាសជាផ្លូវការណ៍ក្នុងការវាយប្រហារប្រទេសស៊ីរីកាលពីថ្ងៃសុក្រសប្តាហ៍មុន លោក Alan Grayson អតីតសមាជិកសភានៅក្នុងរដ្ឋ Florida បាន និយាយថាប្រធានាធិបតីសហរដ្ឋអាមេរិកបានធ្វើរឿងខុសច្បាប់។

 

 

 

 

 

ការលើកឡើងពីរឿងខុសច្បាប់របស់អតីតសមាជិកសភាដូចនេះគឺលោកវបានអះអាងថា នៅក្នុងការសម្រេចចិត្តវាយប្រហារទៅលើប្រទេសស៊ីរី គឺលោក ប្រធានាធិបតីអាមេរិកមិនបានទទួលភ្លើងខៀវពីសំណាក់សភាឡើយ ពោលគឺការ សម្រេចចិត្តចេញពីសេតវិមានជាគំនិតនឹកឃើញរបស់លោក Trump ខ្លួនឯងផ្ទាល់ តែម្តង។

 

 

 

 

 

 

ជាមួយគ្នានោះដែរលោក Grayson បានទទូចថា៖ “ ប្រធានាធិបតីគឺមិនមែន ជាកូនក្មេងបៀមដៃឡើយ ដូចនេះចូរលោកកុំធ្វើអ្វីតាមតែការនឹកឃើញដោយ ប្រើប្រាស់កម្លាំងយោធា។ ខ្លួនខ្ញុំក៏ធ្លាប់ជាកថកម្លាំងពិសេសសហរដ្ឋអាមេរិក ដូចគ្នាដូចនេះខ្ញុំពិតជាយល់អារម្មណ៍នេះ”។

 

 

 

 

 

 

 

គួរបញ្ជាក់ថាកាលពីថ្ងៃសុក្រសប្តាហ៍មុនលោកប្រធានធិបតីសហរដ្ឋអាមេរិកបានប្រកាសពីការវាយប្រហារទៅលើប្រទេសស៊ីរីក្រោយពីបានចោទប្រកាន់ថារដ្ឋាភិបាលលោក Assad បានប្រើប្រាស់អាវុធគីមីទៅលើពលរដ្ឋខ្លួន ស្របពេលដែលខាង រដ្ឋាភិបាលស៊ីរីបានបកវិញថាការចោទប្រកាន់នេះគឺគ្មានមូលដ្ឋានច្បាស់លាស់៕

 

 

 

 

 

 

ប្រភព៖ Sputnik

ដោយ៖ វិសាល

Facebook Comment

Related Articles