ក្រសួងធនធានទឹកនិងឧតុនិមយ ឲ្យដឹងថា ឥទ្ធិពលសម្ពាធទាប នឹងបង្កឲ្យមានភ្លៀង​ធ្លាក់ពី​មធ្យមទៅ​ច្រើន នៅស្ទើរទូទាំងប្រទេសរហូតដល់ថ្ងៃទី២២ខែមេសាឆ្នាំ២០១៨នេះ។

រូបអគារស្ថានីយ៍ឧតុនិយមនៃ​ក្រសួងធនធានទឹក​និង​ឧតុនិយមកម្ពុជា

ក្នុងសេចក្តីជូនដំណឹងស្តីពីការព្យាករណ៍អាកាសធាតុចេញផ្សាយកាលពីថ្ងៃទី១៥មេសាកន្លងទៅនេះ ក្រសួង​ធនធានទឹក ក៏ប្រាប់ពលរដ្ឋទាំងអស់ ដែលជាពិសេសប្រជាជនរស់នៅតំបន់ពាយ័ព្យ ឲ្យប្រុងប្រយ័ត្ន​ចំពោះ​បាតុភូត ផ្គរ រន្ទះ និង ខ្យល់កន្ត្រាក់ នៅពេលមេឃរកលភ្លៀង។

ខេត្តនៅតំបន់ពាយ័ព្យនៃប្រទេសកម្ពុជារួមមាន ខេត្ត​ឧ​ត្ត​រ​មានជ័យ បន្ទាយមានជ័យ សៀមរាប បាត់ដំបង ពោធិ៍សាត់ និងខេត្តប៉ៃលិន៕