ក្រុមមន្រ្តីប៉ូលីសនៅក្នុងតំបន់ Gyeongbuk ប្រទេសកូរ៉េខាងត្បូងបាននាំគ្នាចេញ ធ្វើបាតុកម្ម ប្រឆាំងនឹងការតម្លើងប្រព័ន្ធការពារមីស៊ីល THADD នៅក្នុងប្រទេស កូរ៉េខាងត្បូងនេះបើយោងតាមរយៈសេចក្តីរាយការណ៍របស់សារព័ត៌មាន Spunik បង្ហាញឲ្យដឹង។

នៅក្នុងសេចក្តីរាយការណ៍ដដែលបន្តថា យ៉ាងហោចណាស់មានប៉ូលីសចំនួន ២០០ នាក់ បាននាំគ្នាធ្វើបាតុកម្មបិទស្ពានក្នុងស្រុក Seongju ដោយមិនឲ្យមានការដឹក ជញ្ជូនសម្ភារៈសម្រាប់តម្លើងប្រព័ន្ធការពារមីស៊ីលឆ្លងកាត់តាមស្ពាន។

ការចេញធ្វើបាតុកម្មប្រឆាំងនឹងប្រព័ន្ធការពារមីស៊ីល THADD របស់អាមេរិក យកមកតម្លើងនៅក្នុងប្រទេសកូរ៉េខាងត្បូងគឺបានកើតឡើងក្រោយពីមានការប្រកាសពីការដឹកជញ្ជូនសម្ភារៈឆ្លងកាត់តាមតំបន់មួយចំនួនដើម្បីយកទៅធ្វើការតម្លើង ស្របពេលដែលប្រជាជនកូរ៉េមិនពេញចិត្តនឹងប្រព័ន្ធការពារនេះទេ។

បញ្ជាក់ថាការតម្លើងប្រព័ន្ធការពារមីស៊ីល THADD នៅក្នុងប្រទេសកូរ៉េខាងត្បូង គឺបានកើតឡើង បន្ទាប់ពីមានបញ្ហាតានតឹងរវាងប្រទេសកូរ៉េខាងត្បូង និងប្រទេសកូរ៉េខាងជើងដោយក្នុងនោះកូរ៉េខាងជើងបានធ្វើការគំរាមវាយប្រហារដោយមីស៊ីលមកលើតំបន់មួយចំនួនរបស់កូរ៉េខាងត្បូង។

យ៉ាងណាមិញក្រោយការសម្រេចចិត្តតម្លើងគឺប្រជាជនកូរ៉េខាងត្បូងបានរិះគន់យ៉ាងខ្លាំងដោយសារតែវាបានបង្ករជាផលប៉ះពាល់ទៅលើជំនួញរបស់គេដោយក្នុងនោះ ក្រុមអ្នកវិនិយោគចិនបានសម្រេចដកភាគហ៊ុនរបស់គេត្រលប់ទៅវិញ៕