តារាបណ្តាញសង្គមហ្វេស ប៊ុក Willaim Guang បានបង្ហាញអារម្មណ៍ខឹងសប្បារទៅ កាន់ឡានដឹកដីដែលបានបើករុលចូលទៅក្នុងក្លោងទ្វារតំបន់ប្រាសាទ និងបានកោសថ្មក្លោងទ្វារនោះទៀតផង។

នៅក្នុងបណ្តាញសង្គមផ្ទាល់ខ្លួនវិល្លាមបានបង្ហោះសារអមជាមួយនឹងរូបភាពឡានដឹកដី ដែលបើករុលចូលក្លោងទ្វារដ៏តូចចង្អៀតថា៖ “ហេីយឆ្ងល់ថាឡានប៉ុណ្ណាណីប្រកាច់ត្បុលរកងាប់អីបេីខ្លោងទ្វាតូចប៉ុណ្ណឹង ? តេីអាជ្ញាធរឆ្មាំប្រាសាទទៅណាអស់ហេីយមានបានឃេីញទង្វេីអស់នេះទេ ? 😡

នេះត្បុលឡេីងកោសថ្មខ្លោងទ្វាប្រាសាទ ចុះបេីរលំទៅនរណាទទួលខុសត្រូវ ។ 🤦🏻‍♂️ របស់ដូនតាសាងមកហេីយតែថែរក្សាសោះក៏មិនប្រកាច់ចូលរួមថែរក្សាដែរ ចេះតែជួយបំផ្លាញទៅវិញ”។

គួរបញ្ជាក់ថាក្រោយបង្ហោះរូបភាព និងការសរសេររៀបរាប់ ក៏មានមហាជន ជាច្រើន ចូលទៅខមិនសម្តែងការមិនពេញចិត្តផងដែរចំពោះទង្វើរបែបនេះ ត្បិតអីក្លោងទ្វារដែលត្រូវបានឡានដឹកដីបើករុលកៀរគឺជាកេរ្តិ៍តំណែលដែលដូនតា បន្សល់ទុកឲ្យ៕