កាលពីម្សិលមិញនេះ គឺជាព្រឹត្តិការណ៍ប្រវត្តិសាស្រ្តដែលមេដឹកនាំកូរ៉េខាងត្បូងនិង កូរ៉េខាងជើង បានជួបប្រជុំគ្នាជាលើកដំបូងបង្អស់ក្នុងរយៈពេលជាច្រើនសតវត្សមកហើយ ពោលគឺតាំងពីចប់សង្គ្រាមកូរ៉េឆ្នាំ១៩៥៣។ នៅក្នុងតុពិភាក្សា គេសង្កេតឃើញថា ភាគីទាំងសងខាង មានគណៈប្រតិភូសរុបចំនួន៦នាក់ ដែលម្ខាងៗមាន៣នាក់។ អ្វីដែលគួរជាទីចាប់អារម្មណ៍គឺ ក្នុងចំណោមប្រតិភូទាំង៦នាក់ មានតែនារីម្នាក់គត់។

ស្រ្ដីម្នាក់នោះគ្មាននរណាក្រៅពីប្អូនស្រីបង្កើតរបស់មេដឹកនាំ Kim Jong Un នោះទេ ដែលអ្នកនាងមានឈ្មោះថា​ Kim Yo Jong។ គេចាំបានថា Kim Yo Jong បានចេញមុខជាប្រតិភូកូរ៉េខាងជើងតាំងពីព្រឹត្តិការណ៍អូឡាំពិចរដូវរងារមកម៉្លេះ។ ដូច្នេះ ក្នុងជំនួបជាប្រវត្តិសាស្រ្តនេះ នាងនៅតែដើរតួនាទីសំខាន់ និង ស្ថិតក្នុងចំណោមបុគ្គលដែល Kim Jong Un ទុកចិត្តបំផុត។ នាងស្ថិតក្នុងចំណោមមន្រ្តីកំពូលៗរបស់បងប្រុស ដែលមានសរុបប្រមាណ២០នាក់។ តួនាទីសំខាន់របស់នាងគឺ ធ្វើការជាមួយនឹងគោលនយោបាយ រាយការណ៍ព័ត៌មានឲ្យ Kim Jong Un ជារៀងរាល់ថ្ងៃ​ គ្រប់គ្រងកម្មវិធីជាសាធារណៈផ្សេងៗ ជាដើម។

មិនតែប៉ុណ្ណោះ បើតាមអ្នកវិភាគ Kim Yo Jong គឺជាអ្នកដែលមានឥទ្ធិពលលើការសម្រេចចិត្តរបស់ Kim Jong Un ព្រោះ Kim jong Un ទុកចិត្តមនុស្សតិចនាក់បំផុត។ សព្វថ្ងៃ Kim Yo Jong មានអាយុ៣០ឆ្នាំ​ ហើយជាបងប្អូនកើតចេញពីផ្ទៃម្ដាយរួមគ្នាជាមួយមេដឹកនាំ Kim Jong Un តែម្ដង។ នាងក៏បានទទួលការសិក្សានៅប្រទេសស្វីស និង នៅអឺរ៉ុបដូចជាបងប្រុសដែរ៕

ប្រភព៖ https://edition.cnn.com/2018/04/27/asia/kim-yo-jong-profile-intl/index.htm