កាលពីថ្ងៃទី ២៧ មេសា វេបសាយ «អដឌីទី សេនត្រល» បានរាយការណ៍​ពីការវិភាគនៅ​លើសង្គមអនឡាញ ក្រោយកម្មវិធីទូរទស្សន៍ Mars People XFile នៃប៉ុស្តិ៍ tvN ក្នុងប្រទេសកូរ៉េខាង​ត្បូង បានលើកយករឿងរ៉ាវជីវិត របស់ស្ត្រីជនជាតិ​កូរ៉េម្នាក់ឈ្មោះ ហាន់ មិរិម ដែលដូរប្រុស ដូចដូរខោអាវ ប្រមាណ ២០០ នាក់ ក្នុងរយៈពេល ២ ឆ្នាំ តែមិនត្រូវចិត្តបុរសណាម្នាក់ មកធ្វើជាគូជីវិតឡើយ ដោយសារប្រុសៗទាំងនោះ មិនបានតបតាមតម្រូវការលោភលន់របស់នាង ។

ហាន់ មិរិម បានលើកឡើងថា «មិនដល់ថ្នាក់ ២០០ នាក់ទេ ត្រឹមតែ ៣០ នាក់ប៉ុនណោះ ក្នុងរយៈពេលពីរឆ្នាំកន្លងមកនេះ នាងបានជួប រួចដោះដៃចេញ ដោយសារប្រុសខ្លះ គ្មាន​រថយន្ត គ្មានកាដូឲ្យនាង ហើយខ្លះទៀតគ្រាន់តែបានណាត់ត្រឹមតែមួយថ្ងៃប៉ុណ្ណោះ ក៏ដោះដៃ​ទៅវិញក៏មានដែរ… ។

សម្រាប់នាង ហាន់ មិរិម បានទទួលកាដូខ្លះៗដែរពីប្រុសៗកន្លងមកនោះ គឺមានតាំងពី Camera, សម្លៀក​បំពាក់, Ipad, នាឡិកា, ក្រវិល និង របស់របរជាច្រើនទៀត ដែលគិតជាតម្លៃមិនតិចឡើយ ។ ប៉ុន្តែ​ទោះយ៉ាងណា  របស់មួយដែលនាងមិនធ្លាប់បានទទួលគឺ «ចិញ្ចៀនគូស្នេហ៍» ពីព្រោះមកពី​នាង​មិន​ដែលសេពគប់ជាមួយប្រុសណាជាគូស្នេហ៍បានយូរ ។

ហាន់ មិរិម សារភាពថា «នាងមិនអាចស្រឡាញ់ប្រុសណាបានយូរទេ ព្រោះបុរសទាំងនោះ មិនអាចមានប្រាក់ តបតាមតម្រូវការរបស់នាងបាន  ទើបបោះបង់បុរសនោះចោលគ្មានស្រណោះ  រួច​ជ្រើស​រើសអ្នកថ្មីមកជំនួសភ្លាមៗ ។

ការរើសបុរសលើកចុងក្រោយ  ដែលនាងសង្ឃឹមថា ភាគីបុរសនឹងបានជួយថ្លៃទិញទូរស័ព្ទ  ដែល​មាន​តម្លៃ ១ សែនវ៉ុន (ប្រាក់កូរ៉េខាងត្បូង) ក៏បានសម្រេច ។

ខាងផលិតករ (Producer) បាននិយាយថា បើតាមអ្នកដែលធ្លាប់មកកម្មវិធីមុននេះ កំណត់ហេតុទៅ​មានប្រមាណពី ១១៧-​១១៩​ នាក់ តែនាងនៅបដិសេធ ធ្វើឲ្យសង្គមអនឡាញ ចូលមក Comment វាប្រហារមិនតិចឡើយ ៕

ប្រភពពី koreaboo

(hilight.kapook)