បន្ទាប់ពីមានការបែកធ្លាយវីឌីអូ ប៉ូលីសចរាចរណ៍ខ្មែរ ២ នាក់បានធ្វើការ ផាកពិន័យលើសកំណត់ទៅលើជនជាតិ វៀតណាមដែលល្មើសច្បាប់ចរាចរណ៍ខ្មែរ ទីបំផុតមន្រ្តីប៉ូលីទាំង ២នាក់ត្រូវបានបញ្ឈរជើង និងបណ្តេញចេញពីក្រសួងហើយ។

យ៉ាងណាមិញក្រោយការបណ្តេញចេញនេះលោក ផែង វណ្ណៈដែលជាបុគ្គសាធារណៈ ម្នាក់ និងជាអ្នកដែលទទួលការគាំទ្រពីអ្ន្ប្រើប្រាស់បណ្តាញសង្គមបាននិយាយថា ការដកហូតតំណែងមន្រ្តីប៉ូលីសទាំង ២នាក់គឺមិនគ្រប់គ្រាន់ឡើយ ក៏ប៉ុន្តែគួរ តែដកហូតលោក ចេវ ហាក់ដែលជាមេផងដែរ។

ក្នុងផេកផ្ទាល់ខ្លួនរបស់លោក ផែង វណ្ណៈ សរសរថា៖ “ដកកូនចៅបញ្ឈរជើង​ ឬ​ ដេញចេញពីក្របខណ្ឌមិនគ្រប់គ្រាន់ទេ​ ថ្នាក់ដឹកនាំអគ្គ​ស្នងការ​នគរបាលជាតិ និង​ ក្រសួងមហាផ្ទៃ​គួរដកដំណែង​ ចេវ​ ហាក់​ ដែលជាមេកើយរបស់មន្ត្រីខិលខូចទាំងនោះទើបត្រឹមត្រូវ​ ។​ ព្រោះមេអង្គភាពគ្មានសមត្ថភាពគ្រប់គ្រងកូនចៅ​ទើបកូនចៅប្រព្រឹត្តអំពើអាក្រក់បែបនេះ ​” ។

គួរបញ្ជាក់ថាប៉ូលីសចរាចរណ៍ខ្មែរចំនួន ២ នាក់ត្រូវបាន ក្រសួងសម្រេច ដកចេញពីស្ថាប័ន ក្រោយប្រព្រឹត្តកំហុសក្នុងការផាកពិន័យលើសទៅលើជនជាតិ វៀតណាមដែលបើកបរម៉ូតូមិនគោរពភ្លើងសញ្ញាចរាចរណ៍ ហើយនៅក្នុងឃ្លីប វីឌីអូ គឺប៉ូលីសទាំង ២នាក់បានទារលុយ 20$ ជាការផាកពិន័យ៕