កាលពីពេលថ្មីៗនេះ ប្រទេសចិនបានបង្ហាញស្ពានដ៏វែងអស្ចារ្យរបស់ខ្លួន ឆ្លងកាត់សមុទ្រ ភ្ជាប់ពីហុងកុង ទៅម៉ាកាវ និង ទៅចិនដីគោក។ ស្ពាននេះបានបំបែកកំណត់ត្រាជាស្ពានដែលឆ្លងសមុទ្រ មានប្រវែងបំផុតនៅលើពិភពលោក។

ស្ពាននេះមានប្រវែងសរុបប្រមាណ ៥៥គីឡូម៉ែត្រ ដែលធ្វើឲ្យការធ្វើដំណើរពីហុងកុង ម៉ាកាវ និង ចិនដីគោក ចំណាយត្រឹមរយៈពេល៣០នាទីប៉ុណ្ណោះ។ ស្ពានមួយនេះ សាងសង់ដោយចំណាយទឹកប្រាក់អស់យ៉ាងច្រើនមហាសាល ដល់ទៅ 7.56 ពាន់លានដុល្លា។

ស្ពាននេះសាងសង់ដោយប្រើដែកថែបអស់ ៤០ម៉ឺនតោន ថែមទាំងអស់ធន់នឹង គ្រោះរញ្ជួយដីកម្រិត៨វ៉ិចទ័រ ព្យុះទីហ្វុង ជាដើម។ រដ្ឋាភិបាលចិននឹងដាក់ស្ពាននេះឲ្យប្រជាពលរដ្ឋប្រើប្រាស់នៅរដូវក្ដៅខាងមុខឆាប់ៗនេះហើយ៕

តោះមកទស្សនាទិដ្ឋភាពនៅលើស្ពាន https://www.youtube.com/watch?v=pAlyCOFys9s

ប្រភព៖ https://edition.cnn.com/2018/05/04/asia/hong-kong-zhuhai-macau-bridge/index.html