ក្រោយការបោះឆ្នោតនៅក្នុងប្រទេសម៉ាឡេស៊ីបានរួចរាល់ពេលនេះលទ្ធផលបណ្តោះអាសន្នបានចេញមកហើយគឺគណបក្សប្រឆាំងរបស់លោកអតីតនាយករដ្ឋមន្រ្តីចាស់ Mahathir Mohamad ជាអ្នកទទួលបានជ័យជំនះដោយក្នុងនោះគណបក្សរបស់លោកមានកៅអីគ្រប់គ្រាន់ដើម្បីបង្កើតរដ្ឋាភិបាលបាន។

ការវិលចូលប្រឡូកនៅក្នុងឆាកនយោបាយសារជាថ្មីពីសំណាក់លោកអតីតនាយករដ្ឋមន្រ្តីរូបនេះគឺបានធ្វើឡើងក្រោយពេលដែលលោកនាយករដ្ឋមន្រ្តីម៉ាឡេស៊ី ណាជីប រ៉ាហ្សាក់ បានបែកធ្លាយដំណឹងពាក់ព័ន្ធនឹងអំពើរពុករលួយនៅក្នុងប្រទេសម៉ាឡេស៊ី។

ក្នុងនោះដែរលោក Mhathir Mohamad នឹងក្លាយទៅជានាយករដ្ឋមន្រ្តីដែលមានវ័យចំណាស់ជាងគេរបស់ប្រទេសម៉ាឡេស៊ី ដោយក្នុងនោះសព្វថ្ងៃលោក មានអាយុ ៩២ ឆ្នាំទៅហើយ ហើយក្នុងនោះលោកក៏បានបញ្ជាក់ថាលោកនឹងធ្វើការរៀបចំប្រព័ន្ធច្បាប់ថ្មីនៅក្នុងប្រទេសម៉ាឡេស៊ី៕