ពេទ្យភ្ញាក់ផ្អើល ពេលឃើញបុរសអាយុ២៣ឆ្នាំ មានរូបរាងបែបនេះ ព្រោះតែហេតុផលមួយ…

865 Views
May 10, 2018

កាលពីពេលថ្មីៗនេះ មានការចុះផ្សាយសារព័ត៌មាននៅប្រទេសឥណ្ឌាពីក្មេងប្រុសម្នាក់ដែលមិនចេះធំធាត់ទាល់តែសោះ ពោលគឺគេឈប់លូតលាស់តាំងពីអាយុ១ឆ្នាំ ដូច្នេះហើយ ទោះបីជាសព្វថ្ងៃ គេមានវ័យ២៣ឆ្នាំទៅហើយក្ដី តែគេហាក់បីដូចជាទារកម្នាក់ ហើយអ្នកស្រុកនិងគ្រួសារ មិនដឹងថាមកពីមូលហេតុអ្វីឡើយ។

 

 

 

 

Manpreet បានចាប់កំណើតតាំងពីឆ្នាំ១៩៩៥ ដែលដំបូងជាទារកមានសុខភាពល្អ ប៉ុន្ដែស្រាប់តែលែងលូតលាស់ ក្លាយជាក្រិននៅពេលគេអាយុ១ឆ្នាំ។ ដូច្នេះគេមិនចេះដើរឬចេះនិយាយឡើយ ពិតជាអភ័ព្វគួរឲ្យអាណិតមែនទែន។ ដូច្នេះជីវិតគេត្រូវពឹងផ្អែកលើការមេីលថែរបស់ម្ដាយមីងទាំងស្រុង។ ដំបូងគ្រូពេទ្យជឿថា គេអាចនឹងលូតលាស់បន្ដនាថ្ងៃមុខ។ តែលទ្ធផលមិនដូចការស្មានឡើយ រូបគេនៅតែមិនធំធាត់។

 

 

 

 

គ្រូពេទ្យក៏គិតថា​ ទំនងអាចជាបញ្ហាអរម៉ូនរបស់គេ ដែលមានភាពមិនស្មើគ្នា។ ជាទូទៅ ក្មេងចាប់លូតលាស់ពីអាយុ៣ឆ្នាំ ហើយបើ៣ឆ្នាំ គេមិនមានការប្រែប្រួលរូបរាងសោះ ឪពុកម្ដាយត្រូវតែទៅរកគ្រូពេទ្យ។ អ្នកវិទ្យាសាស្រ្តសន្និដ្ឋានថា Manpreet អាចមានអាការៈដែលមានឈ្មោះថា​ Laron Syndrome។ នេះជាអាការៈកម្រណាស់នៅក្នងលោក ដែលកើតលើមនុស្សប្រមាណ ៣០០នាក់ប៉ុណ្ណោះនៅជុំវិញពិភពលោក។

 

 

 

 

Manpreet មានដៃហើមៗ ហើយស្បែកមុខយារ មិនដូចមនុស្សធម្មតាឡើយ។ គេអាចធ្វើកាយវិការ ចេះយំ សើច ស្រែក តែមិនចេះនិយាយនោះទេ។ ពេលនេះ ក្រុមគ្រួសារកំពុងតែស្វែងរកជំនួយ ដើម្បីយកប្រាក់ទៅចំណាយទៅលើថ្លៃព្យាបាល Manpreet ក្រែងលោអាការៈបានល្អប្រសើរជាងនេះ។ ប៉ុន្ដែថ្លៃចំណាយអាចដល់ទៅជាង៧ពាន់ដុល្លា។ ប្រសិនបើគ្មានជំនួយទេ គេមានតែរស់នៅតាមវាសនាបែបនេះហើយ៕

 

ប្រភព៖ https://www.mirror.co.uk/news/real-life-stories/pint-sized-man-23-trapped-12432247

Facebook Comment

Related Articles