កាលពីយប់មិញនេះនៅផ្ទះរបស់ Najib Razak អតីតនាយករដ្ឋមន្រ្តីរបស់ ប្រទេសម៉ាឡេស៊ីត្រូវបានប៉ូលីសចុះឆែកឆេរទាំងយប់ នេះបើយោង តាមរយៈសារព័ត៌មានជាតិម៉ាឡេស៊ីចុះផ្សាយ។

ការចុះឆែកឆេរផ្ទះអតីតនាយករដ្ឋមន្រ្តីម៉ាឡេស៊ីគឺបានធ្វើឡើងក្រោយពេល លោកនាយករដ្ឋមន្រ្តីថ្មី Mohamad Mathir បានប្រកាសថាលោកនឹងសើរើ សំណុំរឿងក្នុងករណីអំពើរពុករលួយដែលមានជាប់ពាក់ព័ន្ធនឹងលោកនាយករដ្ឋមន្រ្តីចាស់។

យ៉ាងណាមិញប៉ូលីសម៉ាឡេស៊ីនៅមិនទាន់បញ្ជាក់នៅឡើយទេចំពោះលទ្ធផលដែលចុះត្រួតពិនិត្យកាលបីយប់មិញ ខណៈដែលលោក Najib Razak ត្រូវបានរដ្ឋាភិបាលថ្មីរបស់លោក Mohathir បិទផ្លូវមិនឥ្យចាកចេញក្រៅប្រទេស។

គួរបញ្ជាក់ថាលោក Najib Razak បានជាប់ពាក់ព័ន្ធនឹងអំពើពុករលួយ ដែលមានសរុបជាទឹកប្រាក់ ៧០០ លានដុល្លាសហរដុ្ឋអាមេរិកកាលពីឆ្នាំ ២០១៥ ដោយក្នុងនោះមានការរិះគន់ថាតុលាការហាក់មានភាពលំអៀង ដោយមិនបានព្យាយាមស៊ើបឲ្យបានជាក់លាក់មុននឹងការប្រកាសថាលោក Najib មិនជាប់ពាក់ព័ន្ធ៕