អ្នកនាំពាក្យសេតវិមានអាមេរិក បង្ហាញជំហរយ៉ាងមុតមាំថាអាមេរិកនៅតែបន្ត ចង់ជួបជាមួយកូរ៉េខាងជើង ទោះបីជាមានភាពរកាំរកូសបន្តិចមុនពេល ដែលជំនួបជាប្រវត្តិសាស្រ្តកើតឡើង។

ការចេញសេចក្តីប្រកាសពីជមហរចង់ជួបជាមួយភាគីកូរ៉េខាងជើងគឺបានធ្វើឡើងកាលពីម្សិលមិញ ក្រោយពីប្រទេសកូរ៉េខាងជើងបានចេញសេចក្តីប្រកាស បង្ហាញពីកំហឹងដែលអាមេរិកទទូចច្រំដែលឲ្យកូរ៉េខាងជើងបោះបង់កម្មវិធីអាវុធនុយក្លេអ៊ែរ។

ខណៈដែលសញ្ញាសន្តិភាពកំពុងតែមានសង្ឃឹមរះឡើងនៅក្នុងឧបទ្វីបកូរ៉េ អ្នកវិភាគជាច្រើនរំពឹងថាក្នុងជំនួបរវាងលោក Trump ជាមួយនឹង Kim Jong-un នឹងអាចដោះស្រាយបញ្ហានានាដែលប្រទេសទាំង ២ ធ្លាប់មានការប្រឈម រហូតដល់គំរាមប្រើប្រាស់កម្លាំងយោធាកន្លងមក។

ទោះបីជាយ៉ាងណាក៏ដោយសេចក្តីថ្លែងការណ៍កូរ៉េខាងជើងគឺបានបង្ហាញជំហរថារដ្ឋឯកោមួយនេះនៅតែបន្តកម្មវិធីអារឪឲវុអនុយក្លេអ៊ែររបស់ខ្លួនដដែល ដោយក្នុងនោះការចចារជាមួយសហរដ្ឋអាមេរិកគឺដើម្បីតែការបន្ធូរបន្ថយកម្តៅដែល មាននៅក្នុងឧបទ្វីបកូរ៉េតែប៉ុណ្ណោះ៕

ដោយ៖ វិសាល

ប្រភព៖ BBC

http://www.bbc.com/news/world-asia-44144145