ស្រ្ដីវ័យចំណាស់ជាងគេលើលោក អាយុ១២៨ឆ្នាំ បែរជាចង់ស្លាប់ ព្រោះ… |

2830 Views

May 17, 2018

លោកយាយជនជាតិរុស្ស៊ីឈ្មោះ Koku Istambulova ត្រូវបានរដ្ឋាភិបាលរុស្ស៊ីប្រកាសថា ជាមនុស្សដែលមានអាយុច្រើនជាងគេបំផុតនៅលើពិភពលោក បានថ្លែងពីទុក្ខលំបាករបស់ខ្លួន ទោះបីជាមានមនុស្សគ្រប់គ្នាច្រណែននឹងអាយុវែងរបស់គាត់ក៏ដោយ។

ស្ថិតក្នុងវ័យ១២៨ឆ្នាំ ស្ទើរមិនគួរឲ្យជឿ លោកយាយបាននិយាយថា លោកយាយមិនយល់ហេតុអ្វីបានជាខ្លួនអាចមានអាយុវែងដល់ថ្នាក់នេះទេ។ ប៉ុន្ដែ លោកយាយមិនដែលសប្បាយចិត្តអ្វីឡើយ ព្រោះអាយុវែងពេកដូច្នេះ ហាក់ដូចជាទណ្ឌកម្មរបស់ព្រះ ជាជាងពរជ័យ។ លោកយាយគិតថា នេះជាបំណងរបស់ព្រះ លោកយាយមិនបានធ្វើអ្វីដើម្បីអាយុយឺនយូរនោះទេ។

លោកយាយមិនសប្បាយចិត្ត ព្រោះតែហាក់ដូចជានឿយហត់នឹងជីវិត ដែលត្រូវធ្វើការដើម្បីចិញ្ចឹមខ្លួន មិនដែលបានស្រណុកសុខស្រួលឡើយ។ ទោះបីជាវ័យចំណាស់បែបនេះ លោកយាយនៅតែអាចដើរបាន ប៉ុន្ដែភ្នែកលោកយាយបានចុះខ្សោយហើយ។

រឿងដែលគួរឲ្យអាណិត គឺនៅពេលដែលលោកយាយដាច់ចិត្តពោលពាក្យថា នៅពេលដែលនឹកទៅដល់ជីវិតដែលគ្មានសុភមង្គលរបស់លោកយាយ លោកយាយបន់ឲ្យឆាប់ស្លាប់នៅវ័យក្មេងវិញល្អជាជាង ព្រោះមួយជីវិតមានតែខំប្រឹងធ្វើការ ពិតជាហត់នឿយខ្លាំងណាស់។ គួរបញ្ជាក់ដែរថា លោកយាយ Koku Istambulova កើតនៅថ្ងៃទី១ ខែមិថុនា ឆ្នាំ១៨៨៩ នៅខ្វះតែ២សប្ដាហ៍ទៀត លោកយាយគម្រប់អាយុ១២៩ឆ្នាំហើយ៕