កាលពីពេលថ្មីៗនេះ​ មានវីឌីអូមួយកំពុងតែល្បីនៅលើ Youtube ដោយមានចំនួនអ្នកទស្សនារាប់ពាន់នាក់ ដោយសារតែនៅក្នុងវីឌីអូ​បង្ហាញពីសាកសពសត្វមួយក្បាល មានលក្ខណៈចម្លែកគួរឲ្យភ័យខ្លាច និង បង្កឲ្យមានការពិភាក្សាវែកញែកថា នេះគឺជាសត្វអ្វី។

គ្មានព័ត៌មានច្បាស់ការណ៍ថា វីឌីអូនេះថតនៅកន្លែងណា ឬ ពេលណាឡើយ។ ប្រសិនបើយើងមើលទៅ គឺជាសាកសពសត្វដែលស្លាប់ទៅហើយ កំពុងតែហើមអណ្ដែតទឹក មានរូបរាងហាក់ដូចជាសត្វជ្រូកមួយក្បាល។ ប៉ុន្ដែ នៅពេលដែលមើលដល់ជើងរបស់សត្វនោះ មានរាងដូចជាដៃមនុស្ស ពិតជាធ្វើឲ្យយើងបះរោមតែម្ដង។ មិនតែប៉ុណ្ណោះ កន្ទុយរបស់សត្វចម្លែកនេះ បែរជាដូចសត្វឆ្កែ។

មានអ្នកខ្លះជឿថា នេះជាសត្វកូនកាត់ ដែលរត់ចេញពីមន្ទីរពិសោធន៍ ជាដើម។ ឯអ្នកខ្លះទៀតថា ជាសត្វឆ្កែ ព្រោះតែវាស្លាប់ហើយបានហើម ទើបមើលទៅដូចជាសត្វជ្រូកបែបនេះ។ យ៉ាងណាមិញ មនុស្សភាគច្រើនអះអាងថា​ នេះគ្រាន់តែសាកសពរបស់ជ្រូក ដោយសារតែហើមខ្លាំង ទើបជើងជ្រូកក្លាយជារលួយ ហើយមើលទៅក្នុងទឹក ឃើញវែងៗដូចជាដៃមនុស្សដូច្នេះ។

ចុះប្រិយមិត្តយល់យ៉ាងម៉េចដែរ? តោះទស្សនាវីឌីអូទាំងអស់គ្នា៖

https://www.youtube.com/watch?v=VLKXQzHT5UE