បះសក់! បើកគម្របនៅក្រោយសួនច្បារ ឃើញរបស់សល់តាំងពីសង្គ្រាមលោកលើកទី២ |

1268 Views

May 24, 2018

បុរសជនជាតិអង់គ្លេសម្នាក់ តែងតែឆ្ងល់អំពីគម្របបង្ហូរទឹកធំមួយនៅខាងក្រោយសួនច្បារផ្ទះរបស់លោក រហូតដល់ថ្ងៃមួយ លោកសម្រេចចិត្តបើកមើល ស្រាប់តែមានការភ្ញាក់ផ្អើលខ្លាំងតែម្ដង។

ការពិតនៅពីក្រោមគម្របនោះគឺជាលេណដ្ឋាន(ត្រង់សេ) កន្លែងលាក់ខ្លួនសម្ងាត់មួយ ដែលបន្សល់ទុកមកតាំងពីសម័យសង្រ្គាមលោកលើកទី២មកម៉្លេះ។ ភ្លាមៗ លោកនិងអ្នកសាងសង់ម្នាក់ទៀត បានខិតខំបូមទឹកចេញពីក្រោមនោះឲ្យអស់ ដើម្បីអាចចុះទៅមេីលបាន។ អ្នកទាំងពីរចំណាយពេល២ថ្ងៃ រហូតដល់បូមទឹកអស់។

ពួកគាត់ក៏បានចុះទៅក្រោម ប្រទះឃើញបន្ទប់នោះមានទ្វារឈើមួយ ហើយក៏មានបន្ទប់២ផ្សេងទៀត ទំហំប្រមាណ៣ម៉ែត្រគុណនឹង៤ និង ៥ម៉ែត្រគុណនឹង៣ ។ នៅបន្ទប់នោះ គាត់ក៏បានឃើញទ្វារមួយទៀត ដែលទំនងជាច្រកមួយទៀត តែពួកគាត់ប្រហែលជាឈប់ជីកត្រឹមនេះហើយ ព្រោះបរិវេណរបស់វាមានទំហំតូចដែរ។

បុរសជាម្ចាស់ផ្ទះធ្លាប់ត្រូវបានអ្នកជិតខាងប្រាប់ដែរថា ផ្ទះលោកអាចមានលេណដ្ឋាន គ្រាន់តែពេលនេះ ទើបលោកបានឃើញផ្ទាល់ភ្នែក។ លេណដ្ឋាននោះអាចផ្ទុកមនុស្សដល់ទៅ១០០នាក់ឯណោះ ដែលក្នុងនោះមានប្រព័ន្ធអគ្គិសនី កុងតាក់ភ្លើង តុ អំពូល ជាដើម។ ពេលនេះ លោកកំពុងរកនឹកថាកែច្នៃអ្វីមួយ សម្រាប់បន្ទប់លេណដ្ឋាននេះ ព្រោះវាមានទំហំធំ៕