កាលពីពេលថ្មីៗនេះ ពិធីរៀបអភិសេករបស់ព្រះអង្គម្ចាស់ Harry និង អតីតតារាសម្ដែង Meghan Merkle ដែលពេលនេះបានក្លាយជាព្រះនាង បានធ្វើឲ្យពិភពលោករំជើបរំជួល ហើយព្រះនាងថ្មីរបស់អង់គ្លេសដែលជាជនជាតិអាមេរិកមួយរូបនេះ នៅតែជាប្រធានបទដែលគេលើកយកមកនិយាយ។

ជាក់ស្ដែង មិត្តជិតស្និទ្ធរបស់ Meghan បានបង្ហើបប្រាប់សារព័ត៌មានថា Meghan ធ្លាប់បានប្រាប់ពីក្ដីសុបិននិងមហិច្ឆតាដ៏ធំរបស់នាង។ នាងប្រាប់ថា នាងចង់ក្លាយជាប្រធានាធិបតីអាមេរិក។ Meghan ពោលពាក្យបែបនេះប្រាប់មិត្តភក្ដិ ស្របពេលដែលនាងកំពុងតែចាប់ផ្ដើមទំនាក់ទំនងស្នេហាជាមួយនឹងព្រះអង្គម្ចាស់ Harry។ នាងពិតជាច្បាស់លាស់ណាស់ ដែលអះអាងថា ​ចង់ក្លាយជាប្រធានាធិបតីអាមេរិកនៅថ្ងៃណាមួយ។

ប្រភពផ្សេងទៀតក៏បាននិយាយដែរថា នាងចូលចិត្តរឿងនយោបាយណាស់។ ប៉ុន្ដែ នៅក្នុងច្បាប់រាជវង្សអង់គ្លេស រាជវង្សានុវង្សមិនអាចពាក់ព័ន្ធនឹងឆាកនយោបាយបានឡើយ។ ពេលនេះ Meghan កំពុងតែសុំចូលសញ្ជាតិអង់គ្លេសដែលត្រូវចំណាយពេល៣ឆ្នាំ ក្រោយពីរៀបការជាមួយព្រះស្វាមី។ ដូច្នេះ មានតែរង់ចាំមេីលនៅថ្ងៃអនាគតថា ព្រះនាង Meghan នឹងបោះបង់ក្ដីស្រមៃនេះចោល ឬក៏ជំនះខាងរាជវង្សហើយឈានទៅរកក្ដីស្រមៃនេះ?

ប្រភព៖​ http://www.dailymail.co.uk/news/article-5759617/SEBASTIAN-SHAKESPEARE-Meghan-President-isnt-crazy-sounds.html