យន្តហោះមួយរបស់ក្រុមហ៊ុនQatar Airwaysដែលកំពុងហោះហើរពីទីក្រុង Duha ទៅកោះបាលីប្រទេសឥណ្ឌូណេស៊ី បានបង្ខំចុះចតវិញជាបន្ទាន់ បន្ទាប់ពីមានប្តីប្រពន្ធពីរនាក់ឈ្លោះនិងវាយតប់គ្នាយ៉ាងដំណំនៅលើយន្តហោះ។

តាមប្រពភពការសែត India’s Hindustan Timesបានបញ្ចាក់ថាស្រ្តីជនជាតិអ៊ីរ៉ងម្នាក់បានធ្វើដំណើរជាមួយនឹងប្តីរបស់នាងរួមទាំងកូនម្នាក់ផង ពី ឌូហា ទៅបាលី ហើយខណៈពេលប្តីរបស់នាងដេកលក់ នាងក៏យកទូរស័ព្ទរបស់ប្តីទៅលួចស្កែនម្រាមដៃដើម្បីដោះសោ។បន្ទាប់ពីនាងបានឆែកទូរស័ព្ទប្តីឃើញរឿងមិនប្រក្រតីក្នុងទូរស័ព្ទ ក៏ខឹងយ៉ាងខ្លាំងរួចវាយប្តីទាំងគេងលក់ ហើយក៏កើតរឿងឆោឡោពេញយន្តហោះតែម្តងបើទោះជាអ្នកធ្វើការលើយន្តហោះព្យាយាមឃាត់អោយនាងអង្គុយស្ងៀមយ៉ាងណាក៏នាងមិនស្តាប់គិតតែពីប្រតាយប្រតប់គ្នា។ឃើញហេតុការណ៍មិនស្រួលអ្នកបើកយន្តហោះក៏បង្ខំចុះចតវិញជាបន្ទាន់នៅប្រលានChennaiប្រទេសឥណ្ឌា។

ពួកគេចំណាយពេលឈ្លោះគ្នាពេញមួយថ្ងៃនៅប្រលានយន្តហោះChennai មុនពេលពួកគេហោះទៅ Bali វិញ ហើយក៏គេមិនឃើញមានប៉ូលីសណាមកធ្វើអន្តរាគមន៍ដែរ ដោយគេគិតថា ជារឿងស្នេហាត្រីកោណ ទុកអោយគ្រួសារគេដោះស្រាយខ្លួនឯង។