អ្នកប្រលងបាក់ឌុបពីឆ្នាំ 2007 ដល់ឆ្នាំ2014 បានទទួលសញ្ញាប័ត្រហើយ !

3274 Views
June 9, 2018

ក្នុង​លិខិត​របស់​ក្រសួង​អប់រំ​ដែល​ចុះហត្ថលេខា​ដោយ លោក ហង់ ជួន ណា​រ៉ុ​ន ដែលបានចុះកាលពីថ្ងៃទី ៥ មិថុនា ឆ្នាំ​២០១៨ បាន​បញ្ជាក់ថា​៖ «​សូម​លោក​ប្រធាន​រួសរាន់​ចាត់តាំង​តំណាង​ឲ្យ​មក​ទទួល​សញ្ញាបត្រ​មធ្យមសិក្សា​ទុតិយភូមិ ឆ្នាំ​២០១៤ នៅ​នាយកដ្ឋាន​កិច្ចការ​ប្រឡង ចាប់ពីពេលនេះ​តទៅ ដើម្បី​យកទៅ​ចែកជូន​បេក្ខជន​ដែល​ប្រឡង​ជាប់​ដោយ​ឥតគិតថ្លៃ​»​។​

​បើតាម​លិខិត​ខាងលើ​ដដែល លោក​រដ្ឋមន្ត្រីក្រសួង​អប់រំ អំពាវនាវ​ដល់​មន្ទីរ​អប់រំ យុវជន និង​កីឡា​រាជធានី – ខេត្ត ផ្សព្វផ្សាយ​ឲ្យ​បាន​ទូលំទូលាយ តាម​គ្រប់​មធ្យោបាយ និង​អនុវត្ត​ខ្លឹមសារ​លិខិត​នេះ​ប្រកបដោយ​ស្មារតី​ទទួលខុសត្រូវ​ខ្ពស់​។

គួររំលឹកផងដែរថាក្រសួងអប់រំមានការយឺតយ៉ាវខ្លាំងក្នុងការចែកសញ្ញាប័ត្រជូនសិស្សដែលបានប្រលងបញ្ចប់ថ្នាក់ទី12 គឺទុកពេលរហូតដល់ជាង10ឆ្នាំក៏មាន។​នៅក្នុងសារលិខិតរបស់ក្រសួង ដែលបានប្រកាសថាមានចែកសញ្ញាប័ត្រសំរាប់អ្នកប្រលងឆ្នាំ2014 តែក្នុងនោះ បន្ទីរអប់រំខេត្តខ្លះនៅប្រកាស់ចែកសញ្ញាប័ត្រដល់សិស្ស សំរាប់ឆ្នាំ 2007-2008 នៅឡើយ មកដល់ពេលនេះមានរយៈពេល 11ឆ្នាំទៅហើយ។ និយាយរួមគឺសញ្ញាប័ត្របាក់ឌុបពីឆ្នាំ 2007 មកដល់ 2018 នៅមិនទាន់ចែកដល់សិស្សអស់នៅឡើយទេ។

 

រយៈពេល​ប៉ុន្មានឆ្នាំចុងក្រោយនេះ ក្នុងអាណត្ត របស់ លោក ហង់ ជួន ណា​រ៉ុ​ន ជារដ្ឋមន្ត្រីក្រសួងអប់រំ គេសំគាល់ឃើញមានការកែប្រែច្រើនទាំងផ្នែកប្រព័ន្ធអប់រំ ទាំងផ្នែកប្រព័ន្ធរដ្ឋបាល ខុសពីអាណត្តមុន ដោយសញ្ញាប័ត្រសិស្សអាចដល់បានលឿងជាងមុន មិនដល់ទៅរហូតជាង10ឆ្នាំទៀតឡើយ។ តែទោះជាយ៉ាងណាក៏ដោយ ក៏នៅមានលោកគ្រូ-អ្នកគ្រូ សិស្សានុសិស្ស អំពាវនាវដល់ក្រសួងសុំអោយចែកអោយបានលឿងជាងនេះ បើអាច ចែកសញ្ញប័ត្រជំនួសចែកហៅសញ្ញាប័ត្របណ្តោះអាសន្ន ឬព្រិត្តប័ត្រពិន្ទុ ព្រោះអាចសន្សំលុយរដ្ឋផង ចៀសវាងព្រីនពីរដង។

Facebook Comment

Related Articles