កំពុងគាស់ទ្វារបន្ទប់ជួល ស្រាប់តែគេឃើញទាន់​ ស្រែកចោរៗផ្អើលប្រជាពលរដ្ឋដេញចាប់បានវាយទ្រោមខ្លួន

1013 Views
August 2, 2018

ជនសង្ស័យចំនួន២នាក់បានមកធ្វើសកម្មភាព គាស់បន្ទប់ជួលប្រជាពលរដ្ឋខណៈម្ចាស់មិននៅ តែមិនទាន់គាស់បានសម្រេចផង ស្រាប់តែប្រជាពលរដ្ឋដែលនៅក្បែរនោះមកឃើញទាន់ ស្រែកថាចោរៗបង្កការភ្ញាក់ផ្អើលដល់ប្រជាពលរដ្ឋដែលនៅក្បែរនាំគ្នាដេញចាប់បាននិងវាយទ្រោមខ្លួនទើបប្រគល់អោយសមត្ថកិច្ច។

Image may contain: 1 person, sitting and shoes

​ ហេតុការណ៍នេះបានកើតឡើងកាលពីវេលាម៉ោង៤រសៀលថ្ងៃព្រហស្បតិ៍ ៧រោច ខែទុតិសាឍ ឆ្នាំច សំរឹទ្ធិស័ក ពស២៥៦២ ត្រូវនិងថ្ងៃទី២ ខែសីហា ឆ្នាំ២០១៨ នៅចំណុចបន្ទប់ជូលមួយកន្លែងភូមិត្រពាំងពោធិ៍ ជិតរោងចក្រQMI សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។

ក្រោយឃាត់ខ្លួនជនសង្ស័យត្រូវបានសមត្ថកិច្ចនាំខ្លួនយកទៅសាកសួរនៅប៉ុស្តិ៍នគរបាលរដ្ឋបាលចោមចៅទី៣ដើម្បីកសាងសំណុំរឿងបញ្ជូនទៅអធិការនគរបាលខណ្ឌពោធិ៍សែនជ័យដើម្បីចាក់ការបន្ត៕

Image may contain: one or more people, people sitting, motorcycle and outdoor

Facebook Comment

Related Articles