ជនសង្ស័យ​ចំនួន​ ៤​ នាក់​ ប្រុស​ ៣​នាក់​ ស្រី​ ១​នាក់​ ដែលពាក់ព័ន្ធ​ប្រើហឹង្សារ​លើ​ជនសង្ស័យលួចទូរស័ព្ទ​ នៅផ្សារព្រៃទា​ត្រូវបានសមត្ថកិច្ចនគរបាលខណ្ឌពោធិសែនជ័យឃាត់ខ្លួនដើម្បីកសាងសំណុំរឿងបញ្ជូនទៅតុលាការចាត់ការតាមច្បាប់​ ។​ នេះបើតាមការប្រាប់អោយដឹងពីលោក​វរៈសេនីយ៍ឯក​ យឹម​ សារ៉ាន់​ អធិការ​ នគរបាលខណ្ឌពោធិសែនជ័យ​ ។​

អ្នកលេងបណ្តាញសង្គមភាគច្រើនមានការខឹងសំបាយ៉ាងខ្លាំចំពោះទង្វើដែលជនដៃដល់ធ្វើដាក់កុមារីដែលគេសង្ស័យថាចោរលួចនោះ ហើយពួកគេនិយាយចំៗថា បើទោះជាក្មេងនោះពិតជាបានលួចរបស់នោះមែនក៏ជនរងគ្រោះមិនត្រូវវាយធ្វើបាបនាងឡើង ជនរងគ្រោះបានត្រឹមតែប្តីងទៅសមត្ថិកិច្ចដើម្បីចាត់វិធានការ។