គណៈកម្មការគុណវុឌ្ឍជាតិដើម្បីលើកកម្ពស់វិស័យអប់រំនៅកម្ពុជានឹងត្រូវបង្កើតនាពេលខាងមុខនេះ

270 Views
January 2, 2019

កាលពីព្រឹកថ្ងៃពុធ ១១រោច ខែមិគសិរ ឆ្នាំច សំរឹទ្ធស័ក ព.ស.២៦៥២ ត្រូវនឹងថ្ងៃទី២ ខែមករា ឆ្នាំ២០១៩ លោក ហេង វ៉ាន់ដា និងសហការីនៃសមាគមគ្រឹះស្ថានឧត្តមសិក្សាបានទទួលការអនុញ្ញាតដ៏ខ្ពង់ខ្ពស់ចូលជួបសម្តែងការគួរសម សម្ដេចតេជោ ហ៊ុន សែន នាយករដ្ឋមន្ត្រី នៅវិមានសន្តិភាព នាទីស្តីការគណៈរដ្ឋមន្រ្តី។

បន្ទាប់ពីបានស្តាប់នូវរបាយការណ៍ និងសំណូមពរនានារបស់សមាគមគ្រឹះស្ថានឧត្តមសិក្សា សម្តេចតេជោនាយករដ្ឋមន្ត្រី បានសម្តែងនូវការកោតសរសើរចំពោះការចូលរួមចំណែករបស់វិស័យឯកជនក្នុងការលើកកម្ពស់វិស័យអប់រំនៅក្នុងព្រះរាជាណាចក្រកម្ពុជា។ ជាមួយនេះដែរ ក្នុងគោលបំណងពង្រឹងបន្ថែមនូវគុណភាពវិស័យអប់រំឱ្យកាន់តែមានសន្ទុះខ្លាំងក្លាថែមទៀត សម្ដេចតេជោនាយករដ្ឋមន្រ្តី បានសម្រេចបង្កើតគណៈកម្មការរួមមួយរវាងស្ថាប័នពាក់ព័ន្ធ និងគ្រឹះស្ថានឧត្តមសិក្សាទាំងអស់ ដោយមានឯកឧត្តមហង់ ជួនណារ៉ុន រដ្ឋមន្រ្តីក្រសួងអប់រំ យុវជន និងកីឡាជាប្រធាន និងមានលេខាធិការដ្ឋានមួយជាជំនួយការ។ គណៈកម្មការនេះនឹងត្រូវពិនិត្យនិងរៀបចំនូវអនុក្រឹត្យស្ដីពីគុណវុឌ្ឍជាតិ ដែលជាធម្មនុញ្ញភាពសម្រាប់វិស័យអប់រំ។

Facebook Comment

Related Articles