ឯកឧត្តមបណ្ឌិត អ៊ិត សំហេង អនុញ្ញាតឲ្យលោក Sardar Umar Alam តំណាងថ្មីនៃអង្គការUNESCOប្រចាំកម្ពុជា ចូលជួបសម្តែងការគួរសម និងពិភាក្សាការងារ

251 Views
March 22, 2019

(ភ្នំពេញ)៖ ឯកឧត្តមបណ្ឌិត អ៊ិត សំហេងរដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ អនុញ្ញាតឲ្យលោក Sardar Umar Alam នាឱកាសដែល រូបលោក ត្រូវបានតែងតាំងជាតំណាងថ្មីនៃអង្គការUNESCOប្រចាំកម្ពុជា និងដើម្បីជម្រាបជូនឯកឧត្តមរដ្ឋមន្រ្តីអំពីកិច្ចសហប្រតិបត្តិការដែលអង្គការ UNESCO កំពុងធ្វើជាមួយរាជរដ្ឋាភិបាលកម្ពុជាលើផ្នែកអភិវឌ្ឍន៍ជំនាញ និងការងារសម្រាប់យុវជន នាព្រឹកថ្ងៃទី២១ ខែមីនា ឆ្នាំ២០១៩ នាទីស្តីការក្រសួង។

Image may contain: 3 people, people standing and suit

ជាកិច្ចចាប់ផ្តើម ឯកឧត្តមរដ្ឋមន្ត្រី បានអរគុណដល់យូណេស្កូ ដែលជាដៃគូល្អ ហើយតែងតែជួយកម្ពុជាគ្រប់ដំណាក់កាលតាំងពីកម្ពុជាមានភាពលំបាក។ ឯកឧត្តមមានប្រសាសន៍ថា កម្ពុជាមានសម្បត្តិវប្បធម៌ដ៏ល្អផូរផង់ ហើយសម្បត្តិវប្បធម៌របស់កម្ពុជា ក៏បានដាក់បញ្ចូលក្នុងបេតិកភណ្ឌពិភពលោក ដូចជាប្រាសាទអង្គរវត្ត ប្រាសាទសំបូរព្រៃគុក ល្ខោនខោល ព្រមទាំសម្បត្តិជាតិជាច្រើនទៀតទៅក្នុងអង្គការយូណេស្កូរួចហើយ។

Image may contain: 2 people, people smiling, suit

ឯកឧត្តមរដ្ឋមន្ត្រីក៏បានលើកឡើងថា វិស័យអប់រំនៅកម្ពុជាបានកំពុងតែមានការអភិវឌ្ឍកាន់តែរីកចម្រើន ហើយរាជរដ្ឋាភិបាលកម្ពុជាបានកំពុងយកចិត្តទុកដាក់ខ្ពស់លើវិស័យធនធានមនុស្សជាចំណុចអាទិភាព។

Image may contain: 4 people, people sitting and indoor

ឯកឧត្តមបណ្ឌិតក៏បានអរគុណដល់អង្គការយូណេស្កូ
ដែលបានជួយដល់វិស័យការងារ ដូចជាការបណ្តុះបណ្តាលដល់សិស្ស-និស្សិត កាលពីពេលកន្លងមក។ ក្រៅពីកិច្ចសហប្រតិបត្តិការ យូណេស្កូក៏បានក៏បានបង្កើតគម្រោង”មុខរបរ និងការងារសម្រាប់យុវជន” ហើយសង្ឃឹមថា យូណេស្កូនឹងបន្តជួយមកក្រសួង ក្នុងការសហការគ្នាឲ្យកាន់តែរីកចម្រើនថែមទៀត។

Image may contain: 4 people, people sitting and indoor

ជាមួយគ្នានោះដែរ ឯកឧត្តមរដ្ឋមន្ត្រី ក៏បានលើកឡើងថាក្រសួងការងារ និងបណ្តុះបណ្តាលវិជ្ជាជីវៈ បានកំពុងតែ
រៀបចំនូវផែនការយុទ្ធសាស្ត្រ សម្រាប់អាណត្តិថ្មីនេះ ដែលស្របនឹងយុទ្ធសាស្ត្ររបស់រាជរដ្ឋាភិបាលកម្ពុជា
សម្រាប់អាណត្តិថ្មីនេះផងដែរ។

Image may contain: 4 people, suit

ក្នុងជំនួបនោះដែរភាគីទាំងពីរបានសន្យាធ្វើការពង្រីកពង្រឹងកិច្ចសហប្រតិបត្តិការលើកគោលដៅរួមរបស់អង្កការយូណេស្កូ ដែលភាគីទាំងពីរបានធ្វើការកាលពីពេលកន្លងមកជាមួយគ្នា។តំណាងអង្កការយូណេស្កូ
ក៏បានរីករាយទទួកយកនូវសំណើរដែលឯកឧត្តម
រដ្ឋមន្ត្រីបានលើកឡើងផងដែរ។

សូមបញ្ជាក់ថា ចំពោះកិច្ចសហប្រតិបត្តិការដែល រាជរដ្ឋាភិបាលកម្ពុជាបាន សហប្រតិបត្តិការជាមួយអង្គការ UNESCOកន្លងមករួមមាន៖

Image may contain: 1 person, sitting, suit and indoor

កិច្ចសហការជាមួយក្រសួងអប់រំយុវជន និងកីឡា និងអង្គការ UNESCO អគ្គនាយកដ្ឋានTVET នៃក្រសួងការងារ និងបណ្ដុះបណ្ដាលវិជ្ជាជីវៈ បានដំណើរការរៀបចំអនុវត្តគម្រោងសាកល្បងកម្មវិធីសមមូលអប់រំកម្រិតមូលដ្ឋានតាមប្រព័ន្ធអ៊ិនធឺណិត (BEEP) ដោយបានចាប់ផ្តើមពីត្រីមាសទី៤ ឆ្នាំ២០១៦ ដល់ត្រីមាសទី៤ ឆ្នាំ២០១៩ ដើម្បីផ្តល់ឱកាសដល់យុវជនដែលបោះបង់ការសិក្សា បានសិក្សារៀនសូត្របញ្ចប់មធ្យមសិក្សាបឋមភូមិ (ថ្នាក់ទី៩) ឱ្យមានជំនាញសម្រាប់ទទួលបានការងារល្អ ព្រមទាំងមានឱកាសអាចបន្តការសិក្សាតាមប្រព័ន្ធ TVET ផ្លូវការបាន។

Image may contain: 1 person, phone
នៅថ្ងៃទី១៤ ខែមីនា ឆ្នាំ២០១៩ តំណាងអគ្គនាយកដ្ឋានTVET បានចុះហត្ថលេខាលើកិច្ចសន្យាជាមួយអង្គការ UNESCO ដែលមានទឹកប្រាក់ចំនួន ១៨,១៨១.៥៥ដុល្លារអាមេរិក (ដប់ប្រាំបីពាន់ មួយរយប៉ែតសិបមួយដុល្លារអាមេរិក និងហាសិបប្រាំសេន)។
គម្រោងនេះត្រូវបានអនុវត្តដោយគ្រឹះស្ថានសិក្សាក្រោមឱវាទក្រសួងការងារ និងបណ្តុះបណ្តាលវិជ្ជាជីវៈចំនួន ០៥ (គ្រឹះស្ថានសិក្សាចំនួន០៣ នៅរាជធានីភ្នំពេញ និងគ្រឹះស្ថានសិក្សាចំនួន ០២ទៀត នៅខេត្តសៀមរាប)។ កម្មវិធីនេះបានផ្តល់ការបណ្តុះបណ្តាលទៅលើ ១១ មុខវិជ្ជា ដោយមាន៖ ភាសាខ្មែរ និងគណិតវិទ្យា១ ជាមូលដ្ឋានគ្រឹះសម្រាប់សិស្សក្នុងកម្មវិធី BEEP និងមុខវិជ្ជាបច្ចេកទេសមាន៖ គីមីវិទ្យា រូបវិទ្យា គណិតវិទ្យា២ យេនឌ័រ និងជំនាញជាមូលដ្ឋានសម្រាប់ការងារ និងមុខវិជ្ជាទូទៅ៖ អង់គ្លេស សហគ្រិនភាព ទេសចរណ៍ បច្ចេកវិទ្យាព័ត៌មាន និងសារគមនាគមន៍។

Image may contain: 11 people, people smiling, people standing and indoor
បានថតបញ្ចប់វីដេអូមេរៀន១០០% លើមុខវិជ្ជាដូចជា៖ ភាសាខ្មែរ គណិតវិទ្យា១ អង់គ្លេស និងយេនឌ័រ និងកំពុងដំណើរការថតមុខវិជ្ជាផ្សេងៗ
បានរៀបចំនិមិត្តសញ្ញា BEEP ផ្លូវការ និងបានបង្ហោះផ្សព្វផ្សាយក្នុងបណ្តាញសង្គមហ្វេសប៊ុក សម្រាប់កម្មវិធី BEEP។
បានរៀបចំប្រព័ន្ធគ្រប់គ្រងកម្មវិធីសិក្សាដោយប្រើប្រាស់កម្មវិធី Moodle App សម្រាប់ទូរស័ព្ទ និងថេប្លេតជាមួយអង្គការអប់រំពិភពលោក។ តាមរយៈការអនុវត្តគម្រោងនេះ គ្រឹះស្ថានទទួលបានសិស្សចុះឈ្មោះតាមអនឡាយសរុបចំនួន ៦២៦នាក់ ចុះឈ្មោះផ្ទាល់ និងកំពុងសិក្សានៅ ០៣មណ្ឌលសិក្សា នៅខេត្តសៀមរាប មានចំនួន ៣៦នាក់ និងសិស្សកំពុងសិក្សានៅមណ្ឌលសិក្សាទី១ មានចំនួន ២០នាក់។

ប្រភព៖ ក្រសួងការងារនិងបណ្តុះបណ្តាលវិជ្ជាជីវៈ

Facebook Comment

Related Articles