អាជ្ញាធរជាតិអប្សរាតែងតែធ្វើការសម្អាតស្មៅនិងរុក្ខជាតិតូចៗដែលដុះនៅលើប្រាសាទជាប្រចាំដើម្បីរក្សាសោភ័ណភាពនិងការពារកុំឱ្យស្មៅនិងរុក្ខជាតិទាំងនោះបំផ្លាញភាពស្រស់ស្អាតនិងរចនាសម្ព័ន្ធប្រាសាទ។

ការសម្អាតនេះ ធ្វើឡើងជាញឹកញាប់ជាងគេគឺនៅរដូវវស្សា ព្រោះមានភ្លៀងធ្លាក់ ងាយធ្វើឱ្យរុក្ខជាតិតូចៗនិងស្មៅដុះលឿន។ រីឯបច្ចេកទេសក្នុងការសម្អាតតាមប្រាសាទ ធ្វើឡើងដោយកម្លាំងមនុស្ស ដោយមានរន្ទា ខ្សែពួរ មួកសុវត្ថិភាព និងខ្សែក្រវ៉ាត់ ក្នុងការរក្សាសុវត្ថិភាពពេលឡើងទៅលើកំពូលប្រាសាទ ឬផ្នែកផ្សេងៗដើម្បីដកស្មៅ និងកូនរុក្ខជាតិតូចៗ។

សូមទស្សនាកម្រងរូបភាពស្តីពីការសម្អាតរុក្ខជាតិនៅលើប្រាសាទដូចខាងក្រោម៖

អត្ថបទ៖ កញ្ញា ហ៊ីង ស្រីរ័ត្ន
រូបភាព៖ នាយកដ្ឋានអភិរក្សប្រាសាទក្នុងឧទ្យានអង្គរនិងបុរាណវិទ្យាបង្ការ

ប្រភព៖ ក្រសួងវប្បធម៌ និងវិចិត្រសិល្បៈ