នាព្រឹកថ្ងៃទី១៦ ខែកក្កដា ឆ្នាំ២០១៩នេះ នៅបន្ទប់ប្រជុំសាកលវិទ្យាល័យភូមិន្ទវិចិត្រសិល្បៈ ក្រុមប្រឹក្សាភិបាលនៃសាកលវិទ្យាល័យភូមិន្ទវិចិត្រសិល្បៈ បានបើកកិច្ចប្រជុំមួយដើម្បីពិនិត្យតាមដាន និងវាយតម្លៃការងារដែលបានអនុវត្តក្នុងរយៈពេល៦ខែ (មករា-មិថុនា) ឆ្នាំ២០១៩ ក្រោមអធិតីភាព ឯកឧត្តម សោម សុគន្ធ រដ្ឋលេខាធិការក្រសួងវប្បធម៌ និងវិចិត្រសិល្បៈ និងជាប្រធានក្រុមប្រឹក្សាភិបាលនៃសាកលវិទ្យាល័យភូមិន្ទវិចិត្រសិល្បៈ អាណត្តិទី៣ នីតិកាលទី៥។

សមាសភាពក្រុមប្រឹក្សាភិបាលនៃសាកលវិទ្យាល័យមានចំនួន៧រូបគឺ ឯកឧត្តម សោម សុគន្ធ ជាប្រធាន ឯកឧត្តម ឡុង ប៉ុណ្ណាស៊ីរីវត្ថ ជាសមាជិក លោកបណ្ឌិត ហេង សុផាឌី សាកលវិទ្យាធិការស្តីទី និងឯកឧត្តម វ៉ា ម៉ូរិន ជាសមាជិកស្វ័យប្រវត្តិ។
ចំណែកសមាជិក៣រូបទៀតគឺមកពីស្ថាប័នផ្សេងៗដែលក្នុងនោះ មួយរូបតំណាងទីស្តីការគណៈរដ្ឋមន្រ្តី មួយរូបតំណាងក្រសួងសេដ្ឋកិច្ចនិងហិរញ្ញវត្ថុ និងមួយរូបទៀតតំណាងក្រសួងអប់រំ យុវជននិងកីឡា។

ប្រភព៖ក្រសួងវប្បធម៌ និងវិចិត្រសិល្ប: