កញ្ញា Bella Ranee គឺជាកំពូលតារាជួរមុខថៃមួយដួង ប្រចាំទូរទស្សន៍ប៉ុស្ដិ៍លេខ៣ ដែលសម្ដែងរឿងល្បីៗជាច្រើន។ Bella Ranee ដ៏ស្រស់ស្អាត មិនត្រឹមតែមានប្រជាប្រិយភាពនៅប្រទេសថៃនោះទេ នៅប្រទេសកម្ពុជា ប្រិយមិត្តរបស់យើង ក៏ស្រឡាញ់ពេញចិត្តកញ្ញាខ្លាំងក្លាដែរ ពិសេសគឺ Bella ក៏ធ្លាប់មកប្រទេសយើងផងដែរ។

ដោយសារតែបច្ចុប្បន្ន កញ្ញា កាន់តែលេចធ្លោពីមួយថ្ងៃទៅមួយថ្ងៃ សារព័ត៌មានជាច្រើនតែងតែចុះផ្សាយពីជីវិតឯកជនរបស់កញ្ញា ជាញឹកញាប់។ ជាក់ស្ដែង ព័ត៌មានចុងក្រោយនេះ បានបែកធ្លាយចេញពីប្រវត្តិការងាររបស់ Bella មុនពេលក្លាយជាតារាល្បីក្នុងសិល្បៈ។

ការពិត Bella មានអាជីពផ្ទាល់ខ្លួនរួចស្រេចទៅហើយ នាងធ្លាប់ជាអ្នកលក់សំលៀកបំពាក់ជាមួយនឹងមិត្តភក្ដិរបស់នាង កាលពីអតីតកាល ព្រោះតែនាងចង់រកប្រាក់ចំណូលដោយខ្លួនឯង។

អស់ទាស់ហើយ! បើអ្នកលក់ខោអាវស្អាតម្លឹងៗ អ្នកណាដែលមិនទិញនោះ!