បុរសចម្លែក ជនជាតិវៀតណាមនេះ មានឈ្មោះថា Thai Ngoc បានធ្វើឲ្យអ្នកវិទ្យាសាស្រ្តនៅលើពិភពលោក អេះក្បាល ងឿងឆ្ងល់នឹងអាការៈដែលមិនចេះគេងរបស់គាត់ តាំងពីឆ្នាំ១៩៧៣មកម៉្លេះ។

សព្វថ្ងៃ លោកតាមានអាយុ ៧៦ឆ្នាំហើយ ចំណែកអាការៈគេងមិនបានរបស់លោកតា កើតឡើង ៤៥ឆ្នាំហើយ បន្ទាប់ពីលោកតាកើតជម្ងឺគ្រុន។ នៅពេលដែលជាសះស្បើយពីគ្រុន លោកក៏គេងលែងលក់តែម្ដង។

អ្វីដែលកាន់តែភ្ញាក់ផ្អើលគឺលោកមានសុខភាពល្អ កម្រឈឺណាស់ ទោះបីជាមិនបានគេងលង់លក់ក្ដី។ នៅពេលថ្ងៃ លោកមានកម្លាំងកំហែងធ្វើការដូចមនុស្សធម្មតា។ នៅពេលដែលគ្រូពេទ្យពិនិត្យ ក៏មិនបានរកឃើញថា លោកតាមានជម្ងឺអ្វីដែរ គឺមានរាងកាយប្រក្រតី។

ដូច្នេះ ករណីដែលគេងមិនលក់ដោយគ្មានមូលហេតុនេះ មិនទាន់មានគ្រូពេទ្យឬអ្នកវិទ្យាសាស្រ្តណាម្នាក់រកឃើញថាមកពីហេតុអ្វីនៅឡើយទេ៕