តារាកំប្លែងវ័យក្មេងកញ្ញាវ៉ាន់ នីឡា ដែលទស្សនិចជនបានស្គាល់រួមមកហើយថា នាងត្រូវជាកូនស្រីបង្កើតតែមួយគត់របស់លោកសុវណ្ណ រិទ្ធី ហៅតា វិចទ័រ ដែលជាអ្នកដឹងនាំក្រុមកំប្លែងនៅCTN ។ បន្ទាប់ពីមានរឿងអាស្រូវស្នេហាបែកបាក់គ្នាជាមួយ នឹងគូដណ្តឹងជាទីស្រលាញ់ តារាកំប្លែងវ័យក្មេងកញ្ញា វ៉ាន់ នីឡា  នៅតែមមាញឹកនៅក្នុងការងារសិល្បៈ ។

ទោះបីជារឿងរ៉ាវស្នេហារបស់ខ្លួនមិនសមតាមបំណងយ៉ាងណាក៏ដោយ ក៏កញ្ញា វ៉ាន់ នីឡា មិនសូវខ្វល់ខ្វាយច្រើនប៉ុន្មានដែរ ហើយរឿងសម្រស់វិញក៏នៅតែមានភាពស្រស់ស្អាត និងកាន់តែលេងខ្លួនខ្លាំងឡើងៗពីមួយថ្ងៃទៅមួយថ្ងៃទៀតផង ។

ក្នុងនៅពេលថ្មីៗនេះផងដែលមានការកត់សម្គាល់ថាកញ្ញា នីឡា ហាក់មានរឿងអាស្រូវមិនចេះ មិនចេះហើយទាល់តែសោះ មិនថារឿងស្នេហា ឫរឿងការងារ ។ ជាក់ស្ដែងមុននេះនាងបានបង្ហោះរូបមួយសន្លឹក ដោយក្នុងនោះជាបានរៀបរាប់ថា៖ “កុំយកសម្ភារៈល្អៗដែលទិញដោយសារលុយ (ម៉ែ ឪ សង្សារ) មកអួតខ្ញុំ……ព្រោះខ្ញុំមិនសសើអ្នកទេ ,យល់ទេ” បន្ទាប់ពីបង្ហោះសារបែបនេះរួចហើយនាងក៏ត្រូវបានមហាជនធ្វើការរិះគន់យ៉ាងខ្លាំង ៕