អ្នកផលិតដ្រូន (Drone) របស់ប្រទេសចិន បានបំផ្លាញស្ថិតិពិភពលោក ចូល «ហ្គីនេស វើលដ៍ រីខត» ដោយការ​បង្កើតច្រើនបំផុតលើពិភពលោក មានចំនួនទាំងអស់ ១.៣៧៤ គ្រឿង ហោះព្រមគ្នាក្នុងរយៈពេល ៣ នាទី ក្នុង​កម្ពស់ ១ គីឡូម៉ែត្រ ។

ក្រុមហ៊ុន អ៊ីហាង អែគ្រីត ដែលជាអ្នកផលិតយន្តហោះគ្មានមនុស្សបើក (UAV) ជាក្រុមហ៊ុនខាងបច្ចេកវិជ្ជា របស់សហរដ្ឋអាមេរិកក្នុងការនាំយកដ្រូន មកហោះព្រមគ្នា ចំនួន ១.២១៨ គ្រឿង កាលពីពេលប្រកួតកីឡាអូឡាំពិក រដូវរងារនៅកូរ៉េខាងត្បូងកាលពីខែកុម្ភៈកន្លងមក ។

កាលពីថ្ងៃអាទិត្យ ទី ១ ឧសភា ឆ្នាំ ២០១៨ ក្រុមហ៊ុនបានយកដ្រូន ចំនួន ១៥៦ គ្រឿង មកហោះហើរបង្ហាញក្នុងរាត្រីកណ្តាលយប់ ក្នុងទីក្រុងស៊ីអាន ដែលជាទីក្រុងទេសចរណ៍សំខាន់របស់ចិន ដោយហោះឡើងបង្កើតជារូបភាព ១៦ បែប ។

ប្រទេសចិនបានទទួលជោគជ័យក្នុងការអភិវឌ្ឍបច្ចេកវិទ្យាយ៉ាងឆាប់រហ័ស ទាំងដ្រូន,  Semiconductor និង មនុស្សយន្តនៅក្នុងខែសីហាឆ្នាំមុន ។ ចំណែកក្រុមហ៊ុន WL Intelligent Technologies ដែលជាក្រុមហ៊ុនរបស់ចិន ក៏បានបំផ្លាញស្ថិតិក្នុងការបង្ហាញមនុស្សយន្តលោតរាំស្រុះគ្នា ក្នុងពិភពលោកចំនួន ១.០៦៩ គ្រឿង តែស្ថិតិនេះត្រូវបំផ្លាញដោយក្រុមរបស់អ៊ីតាលី ក្នុងចំនួន ១.៣៧២ ​គ្រឿង កាលពីឆ្នាំ ២០១៦ ។

ដ្រូនរបស់ក្រុមហ៊ុនអ៊ីហាង អែគ្រីត លក់ក្នុងតម្លៃ ៣០០.០០០ ដុល្លារក្នុងមួយគ្រឿង​ ហើយកាលពីឆ្នាំកន្លងទៅ ខាងក្រុមហ៊ុន​ប្រកាសថា សម្រេចជោគជ័យក្នុងការសាកល្បងដ្រូន ផ្ទុកមនុស្សបានម្នាក់ និងអាចហោះបានល្បឿន ១៣០​​  គីឡូម៉ែត្រក្នុងមួយម៉ោង ។

ប្រភព ៖ bangkokbiznews