ឥន្ទធនូដែលយើងបានឃើញ ភាគច្រើនមានរយៈពេលខ្លី ត្រឹមមួយប៉ព្រិចភ្នែកតែប៉ុណ្ណោះ។ ជួនកាលពេលខ្លះ រកតែទាញទូរស័ព្ទមកថត មិនចង់ទាន់ពេលផង។

យ៉ាងណាមិញ កាលពីពេលថ្មីៗនេះ មានការអះអាងពីទីក្រុងតៃប៉ិ កោះតៃវ៉ាន់ ថាមានឥន្ទធនូមួយ បង្ហាញខ្លួនលើអាកាស តាំងពីម៉ោង 7:15នាទីព្រឹក រហូតដល់ម៉ោង 4ល្ងាច ដែលជាកំណត់ត្រាយូរបំផុតនៅក្នុងពិភពលោក។

រូបភាពរបស់ឥន្ទធនូនេះ ត្រូវបានបង្ហោះលើបណ្ដាញសង្គម ហើយទទួលបានការភ្ញាក់ផ្អើលជាខ្លាំង និង មានមនុស្សជាច្រើននិយាយថា គេមិនដែលឃើញឥន្ទធនូច្បាស់យ៉ាងនេះទេ។

ពេលនេះ ខាងតៃវ៉ាន់កំពុងប្រមូលភស្ដុតាងបញ្ជូនទៅ Guinness ដើម្បីបញ្ជាក់ថា ឥន្ទធនូនេះពិតជាមានរយៈពេល៩ម៉ោងមែន។

ដោយ៖ Mago

ប្រភព៖ metro