សម្រាប់អ្នកដែលចូលចិត្តមើល Youtube  នេះប្រាកដជាព័ត៌មានរសើប។​ ដោយសារតែតារា Youtube  លោក​ Logan Paul បានបង្ហោះវីដេអូ vlog នៅក្នុងព្រៃអត្តឃាតរបស់ប្រទេសជប៉ុន ​ព្រមទាំងថតជាប់សាកសពបុរសម្នាក់ចងកនៅលើដើមឈើ​ ដែលជាហេតុបង្កឲ្យមានមតិរិះគន់ និង ខឹងសម្បារយ៉ាងខ្លាំងពីសំណាក់អ្នកគាំទ្រ។​

ស្របគ្នានេះដែរ​ Logan​ក៏បានចេញមុខសូមទោសជាសាធារណៈ​ បន្ទាប់ពីការដាក់បង្ហាញវីដេអូនៅលើ​Youtube។​

គាត់បានបង្ហោះសារនៅលើគណនី Twitter​ថា៖ “ខ្ញុំពិតជាខ្មាសនិងខកចិត្តចំពោះខ្លួនឯងខ្លាំងណាស់។”

Logan ​បន្តទៀតថា៖​ “ខ្ញុំពិតជាខុស​ហើយក៏មិនបានសុំឲ្យអ្នកទាំងអស់គ្នាលើកលែងទោសឲ្យដែរ​ ខ្ញុំគ្រាន់តែចង់ចេញមុខមកសូមទោសតែប៉ុណ្ណោះ។”

“អ្វីដែលបានថតជាប់នៅក្នុងព្រៃគឺសុទ្ធតែអចេតនានិងមិនបានព្រៀងទុក ដូចដែលអ្នកទាំងអស់គ្នាបានឃើញ ប្រតិកម្មទាំងអស់សុទ្ធតែពិតប្រាកដមិនសម្ដែង។”

“ពួកយើងពិតជាមិនដឹងថាគួរមានប្រតិកម្មឬមានអារម្មណ៍បែបណានោះទេ។​ ខ្ញុំមិនគួរបង្ហោះវីដេអូទេ​ ខ្ញុំគួរតែដាក់កាមេរ៉ាចុះឈប់ថត។​​ មានអ្វីជាច្រើនដែលខ្ញុំមិនគួរធ្វើ​ ប៉ុន្ដែខ្ញុំពិតជាសូមទោសអស់ពីចិត្ត។​”

ជាមួយនឹងអារម្មណ៌អួលណែន Loganបន្ដថា៖​ “ខ្ញុំចង់សូមទោសបណ្ដាញ internet និង​សូមទោសដល់អ្នកទាំងអស់គ្នាដែលបានចូលមើលវីដេអូ។​​ ខ្ញុំពិតជាសូមទោសយ៉ាងខ្លាំងចំពោះអ្នកទាំងឡាយដែលមានវិបិត្តផ្លូវចិត្ត​ ជាពិសេសគ្រួសារសព។​”

មានfanជាច្រើនបានចេញមុខការពារYoutuberម្នាក់នេះ។​ Loganនិយាយថា៖ “អ្វីដែលគាត់ធ្វើគឺគ្រាន់តែចង់ឲ្យមានការកម្សាន្តនិងប្លែកៗប៉ុណ្ណោះ។​”

វីដេអូសូមទោសជាសាធារណៈនេះ​បង្ហោះបន្ទាប់ពីតារាជាច្រើនបាន​អំពាវនាវឲ្យហាមឃាត់Loganពីការបន្តថតវីដេអូដាក់ក្នុង Youtube។

ទោះជាយ៉ាងណាក៏ដោយ ​Logan ព្រមទទួលកំហុសនិងសូមទោសអស់ពីចិត្ត ថែមទាំងសន្យាថានឹងកែប្រែឲ្យល្អជាងនេះ។​

ប្រភព៖Mirror

ដោយ៖Taylor