ថ្វីបើបច្ចុប្បន្ននេះ អ្នកនាង សារ៉ាយ សក្ខណា គឺជាម្ដាយវ័យក្មេងម្នាក់ទៅហើយ ប៉ុន្តែអ្នកនាង នៅតែមានប្រជាប្រិយភាព និង ទទួលការគាំទ្រពីទស្សនិកជន មិនស្រាកស្រាន្ដឡើយ។ អ្នកនាង សារ៉ាយ សក្ខណា នៅតែមមាញឹកជាមួយការងារសិល្បៈ​ ពិសេសគឺនៅតែត្រូវប៉ាន់ផ្នែកសម្អាងការ។

ទស្សនិកជនច្រើនតែឃើញ អ្នកនាង គ្រងឈុតបុរាណប្រពៃណីខ្មែរ។ ប៉ុន្ដែ កាលពីថ្មីៗនេះ អ្នកនាង បានបង្ហោះឈុតដ៏សែនស្អាតមួយ ដែលគេមិនដឹងថា ជារបស់សម្អាងការណាមួយឡើយ។ ឈុតនោះមានលក្ខណៈវែងអូសដី ប្រៀបដូចជាព្រះនាង ឬ ម្ចាស់ក្សត្រី ពិតជាស្រស់ស្អាតថ្លៃថ្នូរមែនទែន។

ក្នុងនោះអ្នកគាំទ្ររបស់ សារ៉ាយ សក្ខណា ក៏បានសរសើរថា​ ស្អាត មិនដាច់ពីមាត់ដែរ៕​