កាលពីពេលថ្មីៗនេះ អ្នកនាង គង់ ចន្ទស្រីមុំ តារាល្បី ដែលកំពុងតែពពោះបុត្រដំបូង បានឈឺពោះជាញឹកញាប់ ដោយសារតែបញ្ហារលាកក្រពះ រហូតដល់ត្រូវបញ្ចូនទៅកាន់មន្ទីរពេទ្យ។

ដោយឃើញសភាពភរិយាបែបនេះ លោក គឹម សីហា ដែលជាស្វាមីមានក្ដីព្រួយបារម្ភជាខ្លាំង ហើយបានបង្ហោះសារពីអាការៈរបស់ អ្នកនាង គង់ ចន្ទស្រីមុំ ជាបន្ដបន្ទាប់ជូនដល់ប្រិយមិត្ត។ ខណៈកាលពីម្សិលមិញ ក្រោយពីពេទ្យពិនិត្យ ពួកគាត់បានយកថ្នាំ និង គិតថាបានធូរហើយ។

មិននឹកស្មានថា លោក គឹម សីហា បានបង្ហោះសារម្ដងទៀតថា៖

«ស្មានតែធូរស្រាលហើយ​ !​ ឥឡូវនៅតែឈឺទៀត​ !​ មកពេទ្យទាំងយប់ព្រោះខ្លាច​ គាត់ទ្រាំមិនបាន​ !​ អោយតែបានគេងលក់យប់នឹងសិន​ ដើម្បីអោយមានកំលាំង​ !​ ឆាប់ជាណា​ ប្រពន្ធសំលាញ់​ Kong Chansreymom»

ហើយទំនង លោកនិងភរិយា បានសម្រាកនៅមន្ទីរពេទ្យកាលពីយប់មិញហើយ ព្រោះលោកបន្ដ update ថា៖

«យប់នេះដេកពេទ្យហើយមើរទៅ​ !​ បងនៅកំដរអូនអោយឆាប់ជា​ !​ Kong Chansreymom»

យើងមានតែសូមជូនពរឲ្យអ្នកនាងឆាប់ជា ដើម្បីបន្ដថែទាំសុខភាពនិងកូនក្នុងផ្ទៃ៕