ប្រិយមិត្តច្បាស់ជាបានជ្រាបហើយថា នារីស្រីបម្រើដែលបានធ្វើទារុណកម្មកូនប្រុសរបស់លោកឧកញ៉ា ដួង ឆាយ ឈ្មោះ អ៊ុំ សុផាន់ណា ត្រូវបានទទួលរងពាក្យបណ្ដឹងតាមផ្លូវច្បាប់ហើយ។

យ៉ាងណាមិញ កាលពីរាត្រីយប់មិញនេះ លោកឧកញ៉ា ដួង ឆាយ បែរជាធ្វើការ Live វីឌីអូ ប្រកាសពីជំហរថ្មីឲ្យមហាជនបានដឹង។ លោកឧកញ៉ា បានសម្រេចចិត្តថា ដកពាក្យបណ្ដឹងចំពោះស្រីបម្រើនោះវិញ ហើយនឹងអង្វរដល់តុលាការឲ្យលើកលែងទោសដល់នាង និង អនុញ្ញាតឲ្យត្រឡប់ទៅស្រុកកំណើតវិញ។

មិនតែប៉ុណ្ណោះ លោកឧកញ៉ា ដួង ឆាយ បាននិយាយថា លោកមិនទាមទារលុយដែលនាងជំពាក់ពីមុនមកទេ ថែមទាំងទុកម៉ូតូ Zoomer-X ដែលលោកធ្លាប់បានឲ្យនោះ ក៏ឲ្យនាងវិញដែរ។ ទង្វើនេះ​បានធ្វើឲ្យមហាជនជាច្រើនលាន់មាត់កោតសរសើរ អំពីទឹកចិត្តដ៏មេត្តា សណ្ដោសប្រណីរបស់លោកឧកញ៉ា ដួង ឆាយ ហើយប្រិយមិត្តជាច្រើនក៏បង្ហាញនូវសេចក្ដីត្រេកអរ ដែលលោកផ្ដល់ឱកាសដល់នារីនោះឲ្យកែខ្លួនផងដែរ។

ចង់ដឹងខ្លឹមសារលំអិត តោះទស្សនាវីឌីអូ Live របស់ លោកឧកញ៉ា ដួង ឆាយ ទាំងអស់គ្នា៖

https://www.facebook.com/DuongChayPage/videos/595528737461465/