ប្រិយមិត្តប្រហែលជាបានដឹងហើយថា តារាចម្រៀងដែលមានរូបសង្ហាលោក នីកូ បានលាពីទ្រនំចាស់របស់ខ្លួន ហើយក៏បានប្រកាសខ្លួនជាផ្លូវការក្នុងផលិតកម្មរស្មីហង្សមាស ។​ ការផ្លាស់ប្ដូរផលិតកម្មនេះបានធ្វើអោយអ្នកគាំទ្ររបស់មានការសប្បាយរីករាយជា​ខ្លាំងដោយសារតែពេលលោក នីកូ នៅផលិតកម្មចាស់គឺមិនសូវមានបទចម្រៀងថ្មី និងមិនសូវមានវត្តមានលើកឆាកតន្ដ្រីដែលជាហេតុធ្វើអោយលោកបាត់បង់ប្រជាប្រិយភាពខ្លះដែលពីវិស័យសិល្បៈ ។

កន្លងមកលោកកំលោះសង្ហារូបនេះ ក៏ធ្លាប់បានប្រកាសថាខ្លួនចង់ធ្វើជាតារាចម្រៀងឯករាជ្យ មិនយូរប៉ុន្មានទំព័រហ្វេសប៊ុកផ្លូវការរបស់ហង្សមាសក៏បានប្រកាសស្វាគមន៍លោក នីកូ​ ជាតារាចម្រៀងថ្មីក្នុងគ្រួសារហង្សមាស ។ ជាមួយ​គ្នានេះដែល ក៏​មាន​ភ្ជាប់​ជាមួយ​បទ​ចម្រៀងថ្មី​របស់​តារា​ចម្រៀង​រូប​នេះ​ផងដែរ ​ដែល​បទ​នោះ​មាន​ចំណង​ជើង​ថា «ថ្ងៃ​បែក​គ្នា» ។

គ្រាន់តែវីដេអូបទ «ចូកមួយ» របស់លោក នីកូចេញជាផ្លូវការភ្លាម ស្រាប់តែផ្ទុះការគាំទ្រជាពីសំណាក់យុវវ័យ ដែលនេះគឹជាបទចម្រៀងទី២ហើយរបស់លោកនៅក្នុងហង្សមាស ហើយវាក៏ជាជោគជ័យមួយរបស់លោកចំពោះការផ្លាស់ប្ដូរពីទ្រនំចាស់ ៕

តោះមកទស្សនាវីដេអូបទចម្រៀងទាំងអស់គ្នាថាតើឡូយប៉ុនណា៖