តារាសម្ដែងស្រីដែលមានឈ្មោះបោះសម្លេងអស់រយៈពេលជាង១០ឆ្នាំគឺអ្នកនាង Chompoo Araya ដែលប្រិយមិត្តបានដឹងហើយថា អ្នកនាងបានរៀបការជាមួយនឹងអ្នកជំនួញដ៏ល្បីឈ្មោះប្រចាំប្រទេសថៃ ដែលអាចហៅបានថាជាសេដ្ឋីវ័យក្មេង ។ បន្ទាប់ពីរៀបការមិនបានប៉ុន្មានផងអ្នកនាងស្រាប់តែមានដំណឹងល្អផ្ទួនៗគ្នា ដោយបានកាន់កាប់នូវជំនួញដែលមានតម្លៃរាប់លានដុល្លារ និងទទួលបានកូនប្រុសភ្លោះដ៏គួរអោយស្រលាញ់ថែមទៀតផង ។

បន្ទាប់ពី​សម្រាល​កូនភ្លោះ​រួច​មក​ សម្រស់​របស់​តារា​សម្ដែង​ថៃ​ Chompoo Araya នៅ​តែ​ស្រស់​ស្អាត​ ហើយ​ស្ទីល​តុបតែង​ខ្លួន​កាន់​តែ​ទាន់​សម័យ ។ ទោះបីជាមានជំនួញក្នុងដៃដែលអ្នកនាងត្រូវគ្រប់គ្រងក៏ពិតមែន ក៏អ្នកនាងមិនបោះបង់ការងារដែលអ្នកនាងស្រលាញ់ដែល ក្រោយ​ពី​សម្រាក​សម្រាល​កូន​អស់​រយៈ​ពេល​ជាង​ ១​ខែ​មក​ ពេល​នេះ​អ្នក​ម្ដាយ​កូន​ភ្លោះ​ Chompoo បាន​វិល​មក​បំពេញ​ការងារ​វិញ​ជាធម្មតា ។

កាលពីថ្មីៗនេះអ្នកនាង Chompoo បាននាំកូនប្រុសរបស់អ្នកនាងទាំងពីរមកសម្ដែងស្ពតពាណិជ្ជកម្មជាមួយនឹងអ្នកនាង ដែលនេះជាការថតលើដំបូងរបស់អ្នកនាងជាមួយនិងកូនប្រុសទាំងពីរ ។ បើក្រឡេកមើលពីការសម្ដែងរបស់កូនប្រុសទាំងពីរវិញគឺពិតជាមានដុងសម្ដែងកាត់តាមម្ដាយរបស់ខ្លួនមែន ៕

តោះកុំអោយខាតពេលវេលាយូរមកទស្សនាវីដេអូស្ពតពាណិជ្ជកម្មរបស់អ្នកនាង និងកូនប្រុសទាំងអស់គ្នា ៖