ការរស់នៅបន្ទប់រួមជាមួយអ្នកដទៃពិតជាមិនងាយស្រួលឡើយ។ បើអ្នកនៅជាមួយយើងជាមនុស្សល្អ ចេះដឹងសុខទុក្ខគ្នា នោះជាលាភដ៏ប្រសើរណាស់។ ប៉ុន្ដែបើយើងប៉ះចំមនុស្សដែលយ៉ាប់ បង្កការរំខានដល់យើង យើងមិនអាចរស់នៅបានដោយស្ងប់សុខឡើយ។

យ៉ាងណាមិញ ការនៅបន្ទប់ជួលឬផ្ទះជួលជាមួយគ្នា ចាំបាច់ណាស់ត្រូវតែមានការយោគយល់អធ្យាស្រ័យគ្នាដោយខានមិនបាន។ បើយើងមិនចេះយោគយល់គ្នានោះទេ ច្បាស់ជាអាចបង្កជម្លោះ ឬ ឈានដល់បញ្ហាធ្ងន់ធ្ងរផ្សេងៗដែលមិនអាចស្មានដល់។ តួយ៉ាង ដូចជាព័ត៌មានកាលពីថ្មីនេះ ដែលបានកើតឡើងនៅប្រទេសចិន។

និស្សិតដៃដល់ម្នាក់ដែលមាននាមត្រកូល Lau បានយកកាំបិតចាក់មិត្តរួមបន្ទប់របស់ខ្លួនទាំងកណ្ដាលយប់ ពេលដែលមិត្តរបស់ខ្លួនឈ្មោះ Wong កំពុងតែគេងលង់លក់។  ពេលនោះ Lau ថែមទាំងបានស្រែកថា យើងនឹងចាក់ឯងឲ្យស្លាប់! សំណាងហើយដែលមិត្តរួមបន្ទប់ឯទៀតស្ទុះចូលមកឃាត់ទាន់ពេល។ ប៉ុន្ដែ Lau បានចាក់ជាច្រើនកាំបិតណាស់ ធ្វើឲ្យ Wong របួសជាទម្ងន់តែម្ដង ពិសេសគឺប៉ះភ្នែកដែលស្ទើរតែខ្វាក់។

នៅពេលដែលប៉ូលីសមកចាប់ខ្លួន ជនដៃដល់ Lau មិនបានរត់ ឬ បង្ហាញវិប្បសារី ភ័យខ្លាច នោះទេ។​ ចំណែកជនរងគ្រោះបាននិយាយថា Lau ពិតជារំខាន់ណាស់នៅពេលយប់ ពេលគេគេង គេសង្កៀតធ្មេញ ស្រមុក និង ផោម ថែំមទៀតផង។ ហើយមុននឹងកើតហេតុមួយថ្ងៃ គេនិងមិត្តឯទៀត បានប្រាប់ជនដៃដល់ថា ចង់រើទៅបន្ទប់ផ្សេង ព្រោះមិនអាចទ្រាំនឹងទម្លាប់នេះបានឡើយ។ ជនដៃដល់ក៏ ញញឹមហើយថា ចាំមើលទៅ។

តាមសម្ដីរបស់អ្នកគ្រូបង្រៀនបាននិយាយថា ជនដៃដល់ Lau ជាសិស្សល្អ តែគេដូចជាមានបញ្ហាផ្លូវចិត្ត។ នេះពិតជាគួរឲ្យខ្លាចណាស់ សំណាងហើយដែល Wong គ្រាន់តែរបួស ហើយនៅរស់រានមានជីវិតនោះ៕   

ប្រភព៖ https://www.worldofbuzz.com/college-student-complains-about-roommates-farts-and-snores-gets-stabbed-in-sleep/