មុននេះបន្ដិចមានការភ្ញាក់ផ្អើលជាខ្លាំង ពីសំណាក់អ្នកប្រើប្រាស់បណ្ដាយសង្គមហ្វេសប៊ុក លើករឿងដែលខាងផលិតកម្ម អ៊ិច បានចេញមុខបកអាក្រាតចរិតរមិលគុណរបស់តារាចម្រៀងប្រចាំផលិតកម្មខ្លួនគឺលោក ថេវា ដែលត្រូវជាម្ចាស់បទ “ស្រលាញ់អូនស្លៀកខោរហែក” ។

ក្នុងរឿងនេះដែលខាងផលិតកម្មបានផុសក្នុងផេកផ្លូវការរបស់ខ្លួនដោយមានរៀបរាប់ទាំងហួសចិត្តថា៖ «ពិត​ជា​ក្រពើ​មែន​ មិន​ទាន់​ល្បី​បានប៉ុន្មានផង​ ម្ចាស់​បទ​ ស្រឡាញ់​អូន​ស្លៀក​ខោ​រហែក​ ចេញ​ចារឹក​ល្បី​បាត់​ ហ៊ានថត​ MV ដោយខ្លួនឯង​ និង​​ ​មិនបានប្រាប់ម្ចាស់​ផលិតកម្ម​ខ្លួន​ឯង​ ផលិតកម្ម​ អុិច​ ។ ដែលខំ​ promote ២៥​ ខេត្ត​ក្រុង​តាមឡានផ្សព្វផ្សាយ​ និង​ concert ហើយ​មើល​ងាយ​ផលិតកម្ម​ និង​មើល​ងាយ​តារា​ចម្រៀង​រួមអាជីព​ ក្នុង​​ផលិតកម្មខ្លួន​ ដាក់តម្លៃខ្លួនឯង​ 300$ក្នុង​មួយ​យប់​ តន្ត្រីខ្លះ​ម្ចាស់​ផលិតកម្ម​សុំ​ត្រឹម​ 200$ បានហើយ​ឆាក់គេតូច​ណាមួយ​យើង​ទើប​ល្បី​ តែ​ គេ​ហាមាត់មកថា​ដាក់​ចឹង​ខូចតម្លៃគេតារាល្បី។ ហួស​ចិត្ត។ មិន​បាន​ជួយ​ ផលិតកម្ម​បន្តិច​ផង​ ធ្វើ​ឲ្យ​ផលិតកម្ម​ខូចឈ្មោះទៀត !​ ជួប​ហើយ!» ។

គួរបញ្ជាក់ផងដែរ លោក ថេ រ៉ា ត្រូវបានមហាជនជាច្រើនបានស្គាល់តាមរយៈបទ ស្រលាញ់អូនស្លៀកខោរហែក ដែលល្បីខ្លាំងមួយរយៈមុនដោយមានប្រជាជនថៃយកទៅរាំ cover ទៀតផង ។ យ៉ាងណាមិញដែលចំពោះរឿងនេះ ខាងសមីខ្លួនលោក ថេវា មិនទាន់បានចេញមុនបទស្រាយ ឫនិយាយអ្វីនោះទេ ជាហេតុបានធ្វើអោយមហាជនមានមន្ទិលសង្ស័យជាខ្លាំង ថារឿងហេតុជាយ៉ាងណាវិញ ៕