ជារឿងមួយដ៏គួរឲ្យហួសចិត្ត និង អស់សំណើច ដែលចោរឆក់ដ៏សកម្មមួយក្រុម នៅរាជធានីភ្នំពេញ បានធ្វើទង្វើដ៏ល្ងង់ខ្លៅបន្ទាប់ពីឆក់បានសម្រេច។

ពួកចោរដៃដល់មួយក្រុមនេះ ​មានគ្នា៣នាក់ ត្រូវបានគេដឹងថា ឆក់ទូរស័ព្ទ ឆក់កាបូប អស់ច្រើនករណីមកហើយ។ ចុងក្រោយ ពួកគេក៏ត្រូវអស់លក្ខណ៍ដោយសារតែ ឆក់បានសម្រេចហើយ បែរជាមកបង្ហោះទូរស័ព្ទដែលខ្លួនឆក់បាន នៅលើបណ្ដាញសង្គមហ្វេសប៊ុក ទំនងប្រហែលជាចង់អួតស្រី។

យោងតាមគណនីហ្វេសប៊ុក Ra Uy បានបង្ហោះឲ្យដឹងថា៖

«ឆក់សកម្មហើយ បង្ហោះបង្អួតក្នុង Facebook មានអីត្រូវ ការិយាល័យព្រហ្មទណ្ឌ កំរិតស្រាលបង្ក្រាបបាន» ដោយអមជាមួយនឹងរូបភាពបង្ហោះរបស់ក្រុមចោរនេះផងដែរ។

ក្នុងនោះមានអ្នកស៊ែរ និង ខមិន យ៉ាងសម្បើម ភាគច្រើនអស់សំណើច ហួសចិត្ត ហើយសើចចំអកនឹងចោរទាំងនេះតែម្ដង។ យ៉ាងណាក៏សូមសរសើរដល់ខាងសមត្ថកិច្ចដែលបំពេញតួនាទីបានយ៉ាងល្អ តាមស្រាវជ្រាវចាប់ក្រុមចោរជើងល្អនេះបានសម្រេច៕