រឿងរ៉ាវនេះបានកើតឡើងនៅក្នុងខេត្ត ស៊ីឈួន ប្រទេសចិន នៅពេលដែលម្ដាយរបស់ក្មេងប្រុសម្នាក់ បានចូលហាងទូរស័ព្ទអាយហ្វូន Apple Store ដើម្បីទិញទូរស័ព្ទ ហើយប្រហែសទុកកូនចោល ទើបកើតមានឧបហេតុនេះតែម្ដង។

ក្មេងប្រុសរងគ្រោះ បានដើរទៅលេងជិតទ្វារកញ្ចក់ដ៏ធំមួយ អកុសល ស្រាប់តែទ្វារកញ្ចក់នោះបែក ហើយធ្លាក់អំបែងចំក្មេងប្រុសនោះតែម្ដង បណ្ដាលឲ្យរបួសយ៉ាងដំណំ។ ក្មេងប្រុសនេះមានអាយុ៤ឆ្នាំ ឈ្មោះ​ Meng Meng ត្រូវបានបញ្ជូនទៅកាន់មន្ទីរពេទ្យភ្លាមៗ សំណាងហើយដែលរួចផុតគ្រោះថ្នាក់។ ប៉ុន្ដែ អាណិតក្មេងប្រុសនេះណាស់ ព្រោះតែអំបែងបានធ្លាក់ទៅចំមុខគេ បណ្ដាលឲ្យមានស្នាមធំៗលើមុខ ខូចសម្រស់តែម្ដង។

ពេលនេះម្ដាយរបស់ក្មេងកំពុងតែទាមទារសំណងជាង ៣ម៉ឺនដុល្លា ហើយនាងព្រួយបារម្ភថា ហេតុការណ៍នេះអាចនឹងប៉ះពាល់ដល់ផ្លូវចិត្តកូន និង ការវិវឌ្ឍន៍របស់គេ នាពេលអនាគត។ ចំណែកឯ អ្នកគ្រប់គ្រងហាង Apple Store យល់ថា​ នេះជាកំហុសទាំងសងខាង ព្រោះម្ដាយគួរឲ្យមានទំនួលខុសត្រូវ មើលកូននៅទីសាធារណ មិនគួរប្រហែសទុកកូនចោលនោះទេ។

ដូច្នេះ​ ប្រិយមិត្តដែលជាមាតាបិតា សូមមេត្តាប្រុងប្រយ័ត្នមើលថែទាំកូនតូចៗផង ដើម្បីចៀសវាងគ្រោះថ្នាក់ចៃដន្យដូចជាករណីខាងលើនេះ៕

វីឌីអូចេញពីកាមេរ៉ាសុវត្ថិភាព៖

https://www.youtube.com/watch?time_continue=21&v=I8Ks-6fSubA

ប្រភព៖ https://nextshark.com/apple-store-boy-in-china-receives-stitches-after-glass-door-explodes-in-his-face/