បច្ចេកវិទ្យាកាន់តែរីកចម្រើនពីមួយថ្ងៃទៅមួយថ្ងៃធ្វើឲ្យមនុស្សយើងតាមស្ទើរតែមិនទាន់ឡើយ។ ការពិត បច្ចេកវិទ្យាខ្លះបានកើតឡើងជាច្រើនឆ្នាំណាស់មកហើយ គ្រាន់តែអ្នកវិទ្យាសាស្រ្តយកមកអភិវឌ្ឍបន្ដ។

តួយ៉ាង ដូចជា បច្ចេកវិទ្យាផ្នែកទំនាក់ទំនងដែលកាន់តែទៅមុខ ធ្វើឲ្យពិភពលោកដ៏ធំធេងក្លាយជាភូមិដ៏តូចមួយដោយសារតែមនុស្សអាចទំនាក់ទំនងគ្នាបានយ៉ាងងាយស្រួល មិនថាក្នុងស្រុក ឬ ឆ្លងប្រទេស និង ឆ្លងទ្វីបនោះទេ។ ជាក់ស្ដែង ការនិយាយទូរស័ព្ទដោយប្រើវិឌីអូមើលមុខគ្នា (Video Call) កំពុងតែពេញនិយមណាស់នាពេលបច្ចុប្បន្ន ឲ្យតែមានអ៊ីនធើណែតគ្រប់គ្រាន់។ លោកអ្នកប្រហែលជាស្មានថា បច្ចេកវិទ្យានេះទើបតែត្រូវបានបង្កើតឡើង។ ការពិតនោះ លោកអ្នកយល់ខុសហើយ Video Call មិនមែនទើបតែកើតឡើងថ្មីៗនោះទេ។

តាមប្រភពព័ត៌មានបែកធ្លាយ លោក Gregorio Zara អ្នកវិទ្យាសាស្រ្តជនជាតិហ្វីលីពីន ជាអ្នករកឃើញបច្ចេកវិទ្យានិយាយទូរស័ព្ទមើលមុខគ្នារវាងមនុស្ស២នាក់ដំបូងបង្អស់ ដែលកាលនោះគឺមើលមុខគ្នាតាមរយៈទូរទស្សន៍។ នៅពេលដែលលោកប្រើសាកល្បងក៏មានការផ្ដិតយករូបថតបែបនេះឯង។ គួរឲ្យស្ដាយ ពេលនោះ ការប្រើទូរស័ព្ទបែបនេះមានតម្លៃថ្លៃពេក ដូច្នេះជនសាមញ្ញ ពលរដ្ឋធម្មតាគ្មានលទ្ធភាពប្រើប្រាស់ឡើយ។

លោក  Gregorio Zara បានផលិតវាឡើងនៅអំឡុងឆ្នាំ១៩៥៤ គិតមកដលសព្វថ្ងៃគឺជាង៦០ឆ្នាំមកហើយ។ ក្រោយមកទើបនៅសតវត្ស៦០ មានក្រុមហ៊ុនទូរស័ព្ទធំៗ ព្យាយាមយកបច្ចេកវិទ្យារបស់លោកមកច្នៃដែរ ប៉ុន្ដែនៅតែមានតម្លៃថ្លៃដូចគ្នា ទើបមិនទទួលបានជោគជ័យ។ ចុងក្រោយ លោក Gregorio Zara ក៏ទទួលមរណភាពនៅឆ្នាំ១៩៧៨៕

ប្រភព៖ viral4real