លោក នូ​ ស៊ិបធ្លាក់ខ្លួនឈឺធ្ងន់ ! សង្ឃឹមថាបងប្អូន ជាពិសេសមិត្តសិល្បៈករដូចគ្នាបានដឹងនិងជួយតាមលទ្ធភាពដែលអាចជួយបាន…!

73 Views
November 13, 2018

ភ្នំពេញ៖ ជីវិត​ជា​អ្នក​សិល្បៈ​ក្នុង​ប្រទេស​កម្ពុជា មិន​មាន​ភាព​រុង​រឿង​ទេ បើ​សូម្បី​តែ​ប្រាក់ សម្រាប់​ព្យាបាល​ជំងឺ​របស់​ខ្លួន​ក៏​ដោយ។ ជា​ពិសេស លោក​​មិន​បាន​ចេញ​ច្រៀង​ទៀតនោះ បាន​ធ្វើ​ឲ្យ​លោក នូ ស៊ិប វ័យជាង60ឆ្នាំ កាន់តែមានជំងឺធ្ងន់ធ្ងរឡើង ក្រោយពេលដែល​រង​របួស​ដោយ​សារ​គ្រោះថ្នាក់​ចរាចរណ៍នៅតាមបណ្ដោយផ្លូវ ម៉ៅសេងទុង ក្នុងរាជធានីភ្នំពេញ កាលពីប៉ុន្មានខែកន្លងទៅនេះ។

លោកប្រឈម​នឹង​កង្វះ​ខាត​ផ្នែក​ថវិកា សម្រាប់​ព្យាបាល​ជំងឺ ហើយ​កំពុង​ស្ថិត​ក្នុង​សភាព​កាន់​តែ​ដុន​ដាប​ទៅៗ។ បច្ចុប្បន្ន​នេះ លោក​កំពុង​ស្នាក់ និង​ស្ថិត​ក្រោម​ការ​ពឹង​អាស្រ័យ លើ​ក្មួយ​ម្នាក់​ក្នុង​ផ្ទះ​ជួល​មួយ នា​រាជធានី​ភ្នំពេញ។ពេលនេះសង្ឍឹមថាមានសប្បុរសជននានា ជាពិសេសមិត្តអ្នកសិល្បៈករដូចបានដឹង ជួយគាត់តាមលទ្ធភាពដែលអាចជួយបាន។

សូមរំលឹកថា លោក នូ ស៊ិប គឺជាតារាចម្រៀងដ៏ល្បីល្បាញមួយរូប លោកបានចាប់ផ្តើមក្នុងអាជីពជាអ្នកចម្រៀង តាំង​ពី​ឆ្នាំ១៩៨៧មក។ ហើយលោកជាអតីតទាហានស័ក្តមួយ នៅខេត្តកំពង់ធំ និងបានមករស់នៅរាជធានីភ្នំពេញ ក្នុងឆ្នាំ​១៩៩០ជាង៕

   

 

Facebook Comment