FIFA បានសាកសួរពីចំណាប់អារម្មណ៍របស់កំពូលកីឡាករទាំង៣ រួមមាន Messi, Neymar និង Ronaldo ទៅលើការចាប់ឆ្នោតចែកពូល ក្រុមទាំង៣២ ឆ្ពោះទៅកាន់ World Cup ឆ្នា២០១៨ នៅរុស្សី។

Ronaldo បាននិយាយថា រូបលោកមានអារម្មណ៍ធូរស្រាលជាធម្មតា ទោះបីជាក្រុមខ្លះខ្លាំង ពូលទាំងអស់នឹងមានទាំងអ្នកខ្សោយនិងអ្នកខ្លាំង។ លោកស្ងប់ចិត្ត ព្រោះក្រុមព័រទុយហ្គាល់នឹងត្រៀមខ្លួនជាស្រេច ហើយប៉ះជាមួយក្រុមណាក៏ដោយ ក្រុមលោកត្រូវតែឈ្នះ។

ចំណែក Messi ថា លោកនឹងតាមដានការផ្សាយផ្ទាល់ និង បានសារភាពថា លោកស្រមៃរឿងអាហ្សង់ទីនអាចនឹងប្រកួតជាមួយក្រុមណាបាត់ទៅហើយ។

ចុងក្រោយ Neymar ស្រដៀងនឹង Ronaldo ដែរ មិនតានតឹងអ្វីទេ។ Neymar ជឿថា ប្រេស៊ីលត្រៀមជាស្រេចក្នុងការប៉ះក្រុមដទៃ។ លោកមានគម្រោងរួចហើយសម្រាប់ថ្ងៃពិសេសនេះ គឺត្រូវចំអិនពោតផ្ទុះ ហៅគ្រួសារនិងមិត្តភក្ដិ មកតាមដានតាមកញ្ចក់ទូរទស្សន៍ជាមួយគ្នា៕

វីឌីអូ https://www.youtube.com/watch?v=z4aas4q-tOg

ប្រភព៖ FIFA